იაპონური კლინიკის სპეციალისტების მიერ შემუშავებული დიეტა ერთ-ერთი ყველაზე ეფექტური და მარტივი საშუალებაა იმისთვის, რომ ყოველგვარი ტანჯვისა და წვალების გარეშე, ეტაპობრივად ჩადგეთ ფორმაში. თუკი ამ დიეტის ყველა წესს გაითვალისწინებთ, კვირაში 8 კილოგრამს აუცილებლად დაიკლებთ. მისი შემქმნელები ირწმუნებიან, რომ იაპონური დიეტის დროს ნივთიერებათა ცვლა თქვენს ორგანიზმში სრულიად წესრიგდება, რაც გეხმარებათ მიღწეული შედეგის დიდხანს შენარჩუნებაში - რა თქმა უნდა, დაბალანსებული კვების რეჟიმის ფონზე.
იაპონელების თქმით, არასდროს შეგექმნებათ წონის პრობლემა, თუკი თქვენი ყოველდღიური კვების რაციონში შემდეგ პროდუქტებს შეიტანთ:
* 300-400 გრამი ბრინჯი
* 150-240 გრამი ხილი
* 250 გრამი ბოსტნეული
* 60 გრამი პარკოსანი მცენარე
* 120 გრამი თევზი
* 100 გრამი რძე
* 1 ცალი კვერცხი
* 20 გრამი შაქარი და ყავა - რამდენიც მოგესურვებათ.
გაითვალისწინეთ დიეტის დაწყებამდე:
შესაძლოა, პირველი სამი დღე გაგიჭირდეთ. თუკი ამ კრიზისულ დღეებს გადაიტანთ, მაშინ ჩათვალეთ, რომ დიეტას წარმატებით დაასრულებთ.
1 დღე:
საუზმე: შავი ყავა ან მწვანე ჩაი.
სადილი: 2 ცალი მოხარშული კვერცხი; მოხარშული კომბოსტოს სალათი შეზავებული მცენარეული ზეთით და ტომატის წვენი.
ვახშამი: ორთქლზე შემწვარი ან მოხარშული თევზის ფილე.
2 დღე:
საუზმე: შავი ყავა ან მწვანე ჩაი; ხრაშუნა პური (ხლებცი)
სადილი: ორთქლზე შემწვარი ან მოხარშული თევზის ფილე და ბოსტნეულის სალათი.
ვახშამი: 100 გრამი მოხარშული ძროხის ხორცი; ერთი ჭიქა კეფირი.
3 დღე:
საუზმე: შავი ყავა ან მწვანე ჩაი; ხრაშუნა პური.
სადილი: მცენარეულ ზეთში მოთუშული ყაბაყი.
ვახშამი: 2 ცალი მოხარშული კვერცხი; 200 გრამი მოხარშული ძროხის ხორცი; ახალი კომბოსტოს სალათი შეზავებული მცენარეული ზეთით.
4 დღე:
საუზმე: შავი ყავა ან მწვანე ჩაი.
სადილი: 3 ცალი მოხარშილი სტაფილო შეზავებული მცენარეული ზეთით; 15 გრამი ყველი; 1 ცალი მოხარშული კვერცხი
ვახშამი: ხილი (არ მიირთვათ: ბანანი, ყურძენი, ლეღვი და ნესვი).
5 დღე:
საუზმე: უმი სტაფილო შეზავებული ლიმნის წვენით.
სადილი: ორთქლზე შემწვარი ან მოხარშული თევზის ფილე და 1 ჭიქა ტომატის წვენი.
ვახშამი: ხილი (არ მიირთვათ: ბანანი, ყურძენი, ლეღვი და ნესვი).
6 დღე:
საუზმე: შავი ყავა ან მწვანე ჩაი
სადილი: ნახევარი წიწილის მოხარშული ხორცი; კომბოსტოს ან სტაფილოს სალათი შეზავებული ლიმნის წვენით.
ვახშამი: 2 ცალი მოხარშული კვერცხი და სტაფილოს სალათი შეზავებული მცენარეული ზეთით.
7 დღე:
საუზმე: ჩაი
სადილი: მოხარშული ძროხის ხორცი 200 გრამი; ხილი.
ვახშამი: გაიმეორეთ ნებისმიერი ვახშამი პირველიდან მეექვსე დღის ჩათვლით.
8 დღე:
საუზმე: შავი ყავა და მწვანე ჩაი.
სადილი: ნახევარი წიწილის მოხარშული ხორცი; კომბოსტოს ან სტაფილოს სალათი შეზავებული ლიმნის წვენით.
ვახშამი: 2 ცალი მოხარშული კვერცხი; სტაფილოს სალათი შეზავებული მცენარეული ზეთით.
9 დღე:
საუზმე: უმი სტაფილო ლიმნის წვენით.
სადილი: ორთქლზე შემწვარი ან მოხარშული თევზი (ახლა უკვე, შეგიძლიათ უფრო დიდი ულუფა მიირთვათ) და ტომატის წვენი.
ვახშამი: ხილი (არ მიირთვათ: ბანანი, ყურძენი, ლეღვი და ნესვი).
10 დღე:
საუზმე: შავი ყავა და მწვანე ჩაი.
სადილი: 3 ცალი მოხარშული სტაფილო შეზავებული მცენარეული ზეთით; 15 გრამი ყველი და 1 ცალი მოხარშული კვერცხი.
ვახშამი: ხილი (არ მიირთვათ: ბანანი, ყურძენი, ლეღვი და ნესვი).
11 დღე:
საუზმე: შავი ყავა და ხრაშუნა პური.
სადილი: დიდი ზომის ყაბაყი მოთუშული მცენარეულ ზეთში.
ვახშამი: 2 ცალი მოხარშული კვერცხი; 200 გრამი მოხარშული ძროხის ხორცი; ახალი კომბოსტოს სალათი შეზავებული მცენარეული ზეთით.
12 დღე:
საუზმე: შავი ყავა და ხრაშუნა პური.
სადილი: ორთქლზე შემწვარი ან მოხარშული თევზი და ბოსტნეულის სალათი შეზავებული მცენარეული ზეთით.
ვახშამი: მოხარშული ძროხის ხორცი - 100 გრამი და ერთი ჭიქა კეფირი.
13 დღე:
საუზმე: შავი ყავა
სადილი: ორი ცალი მოხარშული კვერცხი; მცენარეულ ზეთში მოთუშული კომბოსტოს სალათი და ტომატის წვენი
ვახშამი: ორთქლზე შემწვარი ან მოხარშული თევზი.
14 დღე:
საუზმე: შავი ყავა.
სადილი: მოხარშული თევზი; კომბოსტოს სალათი შეზავებული მცენარეული ზეთით.
ვახშამი: მოხარშული ძროხის ხორცი - 200 გრამი;1 ჭიქა კეფირი.
როგორც ხედავთ იაპონური დიეტის მენიუ იმდენად მრავალფეროვანია, რომ მისი შესრულება არც ისე რთულია. მთავარია, მოინდომოთ და, სულ რაღაც, 2 კვირაში გააოცებთ გარშემომყოფებს.
აუცილებლად გაითვალისწინეთ:
დიეტის ხანგრძლივობა არ უნდა აღემატებოდეს 14 დღეს და სასურველია, რომ ის წელიწადში მხოლოდ ერთხელ შეასრულოთ. წინააღმდეგ შემთხვევაში შესაძლოა, უკუჩვენებები გამოიწვიოს.
სალომე ჩაჩიბაია
funtime.ge