ბლინები თითქმის ყველას უყვარს, მათი მომზადებაც ადვილია, თუმცა ხელის “მიჩვევას” საჭიროებს. გამოუცდელისთვის ბლინების მომზადება ნამდვილი გამოცდასავით არის.
რეცეპტით, რომელსაც ახლა შემოგთავაზებთ, ბლინები იდეალური გამოგივათ დამწყებ “ბლინისტებსაც”. ისინი ადვილად ცხვება, ნაზი, თხელი და ფხვიერია, უხდება ნებისმიერი შიგთავსი. ეს ყველაფერი კი ერთ-ერთი ინგრედიენტის – კარტოფილის ფქვილის (კრახმალი) დამსახურებაა.
* ადუღებული წყალი - ერთნახევარი ჭიქა (300 მლ.);
* რძე - ერთნახევარი ჭიქა (300 მლ.);
* პურის ფქვილი - 3/4 ჭიქა;
* კარტოფილის ფქვილი (კრახმალი) _ 3/4 ჭიქა;
* კვერცხი - 2 ცალი; კარაქი _ 1,5 სუფრის კოვზი;
* შაქარი - 1,5 სუფრის კოვზი;
* მარილი - 1/2 ჩაის კოვზი; ვანილი.
* ავთქვიფოთ კვერცხი შაქართან ერთად, დავამატოთ მარილი და ვანილი.
* გავაგრძელოთ თქვეფა, დავამატოთ რძე და თანდათანობით შევურიოთ პურის და კარტოფილის ფქვილი;
* თანდათანობით შევათქვიფოთ გამდნარი კარაქი და ადუღებული წყალი;
* მიღებული ცომი უნდა დავტოვოთ 30 წუთი. ამ პერიოდში ინგრედიენტები შეიკვრება და ბლინები უფრო ადვილად გამოცხვება;
* შეუდგებით გამოცხობას. როგორც წესი, ცომს თხელ ფენად დაასხამთ გახურებულ ტაფაზე, რამოდენიმე წუთში გადმოაბრუნებთ მეორე მხარეს;
* შიგთავსად შეიძლება გამოიყენოთ სურვილის მიხედვით: ხორცი, სოკო, ხაჭო, ჯემი, თუმცა მათ გარეშეც ბლინები ძალიან გემრიელია.