პოდაგრა

პოდაგრა ერთ-ერთი ყველაზე გავრცელებული დაავადებაა. მისი გამომწვევი მიზეზი ორგანიზმში შარდმჟავას ჭარბი რაოდენობით დაგროვებაა, რასაც თირკმელების ფუნქციონირების დარღვევა იწვევს. დაგროვილი შარდმჟავას მარილებიდან წარმოიქმნება კრისტალები, რომელებიც ისეთ ადგილებში ილექება, სადაც სისხლის მიწოდება ნაკლებად ხდება. ასეთი ადგილებია:


* ხრტილები;
* სახსრები;
* მყესები.

რის გამო შეიძლება დაგროვდეს ჭარბი შარდმჟავა ორგანიზმში?

მიზეზი ორია: ან ადამიანი ამ ნივთიერებით გაჯერებულ საკვებს იღებს ჭარბად (როგორიცაა შოკოლადი, ზღვის პროდუქტები, წითელი ღვინო), ან ორგანიზმს არ შეუძლია გადაამუშავოს მიღებული რაოდენობა.

იშვიათ შემთხვევებში შარდმჟავას ჭარბმა რაოდენობამ ორგანიზმში შეიძლება გამოიწვიოს თირკმელებში ქვების დაგროვება ან თირკმლის მილაკების ბლოკირება რასაც ამ ორგანოს დაზიანებამდე, ან საერთოდ, თირკმლის უკმარისობამდე მივყავართ.

ვის ემართება პოდაგრა?



პოდაგრით ავადდებიან ქალებიც და მამაკაცებიც. ასაკის მატებასთან ერთად ამ დაავადების ალბათობა იზრდება. პოდაგრა განსაკუთრებით ხშირია 50 წელს ზემოთ ადამიანებში. დიდ როლს თამაშობს გენეტიკური ფაქტორიც.

პოდაგრის რისკ-ფაქტორებს მიეკუთვნება:

* სიმსუქნე;
* წონაში სწრაფი მატება;
* ალკოჰოლის ხშირი მიღება;
* სისხლის მაღალი წნევა;
* ნერვულ-ემოციური დატვირთვა;
* თირკმლის ფუნქციის დარღვევა;
* ტრამვა;
* ცხოვრების წესის შეცვლა;
* სხვადასხვა ინფექციური დაავადება
* ზოგიერთი მედიკამენტი (მაგალითად, შარდმდენები, ვიტამინები);



პოდაგრის სიმპტომებია ტკივილი ფეხის ყველაზე დიდი თითის არეში; მუხლების, თითების, იდაყვის ტკივილი. ტკივილი საკმაოდ მწვავეა. პაციენტს აღენიშნება სიწითლე, შეშუპება. ტკივილი შეიძლება საათი ან რამდენიმე დღეც გაგრძელდეს. შეტევები ხშირად ღამით იწყება და პაციენტის გაღვიძების მიზეზიც შეიძლება გახდეს. გამეორებით შეტევაც დასაშვებია.

პოდაგრის დიაგნოზი ექიმის მიერ ისმევა. შესაძლებელია საჭირო გახდეს სპეციალური ტესტის ჩატარება - სახსრის სითხის შესწავლა ლაბორატორიაში. მიკროსკოპის ქვეშ ხდება შარდმჟავას კრისტალების გამოკვლევა. პოდაგრისთვის დამახასიათებელია ანთებითი სითხის არსებობა.



მისი მკურნალობა კომპლექსურად ხდება. გამოიყენება ანთების საწინააღმდეგო არასტეროიდული პრეპარატები. ოპერაცია საჭიროა მაშინ, როცა პაციენტს აღენიშნება სახსრის მკვეთრად გამოხატული დეფორმაცია. ოპერაცია მარტვივი და უმტკივნეულო პროცედურაა. უიშვიათეს შემთხვევებში ხდება დაზიანებული ნაწილის ამპუტაციაა.

როგორც ზემოთ აღვნიშნეთ, საწყის სტადიაზე პოდაგრის მკურნალობა ძალიან ადვილია. პრობლემის გაჩენისთანავე მიმართეთ ექიმს და თავიდან აიცილეთ შესაძლო გართულებები.

oxford-med.ge