ავტორი ვიქტორ ავერკოვია.
როგორც წესი ქართულ ხაჭაპურს არასდროს აქვს ტკბილი დანამატები. პირიქით, ქართული ხაჭაპურისთვის დამახასიათებელია კარგად დამარილებული ყველი, თუმცა, ექსპერიმენტების მოყვარულმა რესტორან "ნანის" მზარეულმა კანონების წინააღმდეგ წასვლა სცადა და ქართულ ხაჭაპურში ტკბილი ინგრედიენტები გამოიყენა. რეცეპტი ცოტათი რთული, თუმცა ძალიან საინტერსო გამოვიდა.
ინგრედიენტები: საჭიროა ცომი - 250 გ (შეგიძლიათ შეიძინოთ მზა), სულგუნი - 150 გრ კვერცხი - 7 ცალი, შაქრის ფხვნილი - 25 გ, რძე - 1/2 ლიტრი, შაქარი - 100 გ, ფქვილი - 30 გ, კენკრა (ჟოლო, მოცხარი, მარწყვი, მაყვალი) - თითოეულის ოდენობა დამოკიდებულია თქვენს გემოვნებაზე. არ დაგავიწყდეთ ახალი პიტნის რამდენიმე ფოთოლი, დესერტის დეკორატიული გაფორმებისთვის.
მომზადების წესი:
ცომი გააბრტყელეთ მართკუთხედის ფორმაზე. ცალკე ჯამში წვრილად დაფხვნილ სულგუნს დაამატეთ ერთი კვერცხი და ერთი კოვზი შაქრის პუდრა, მასას კარგად მოურიეთ. მიღებული მასა ცომზე გადაიტანეთ და ცომი ისე გადაკეცეთ, თითქოს კონვერტია. დარწმუნდით, რომ ცომი კარგად შეკარით, რათა შემდგომში მასა არ გადმოვიდეს ცომიდან. შემდეგ ამოატრიალეთ ცომი და მაკრატლით მეორე მხრიდან გაჭერით ისე, რომ გამომცხვარი "პეროგი" იყოს ღია.
ცომს სურვილის შემთხვევაში წაუსვით მცირეოდენი ცხიმი და შემდეგ შედგით გახურებულ ღუმელში დაახლოებით 15-20 წუთის განმავლობაში. (180 გრადუს ტემპერატურაზე).
ამასობაში დაიწყეთ კრემის მომზადება:
რძეს დაუმატეთ ხუთი კვერცხის გული, შაქარი (100 გ) და ფქვილი. მიღებული მასა შედგით ცეცხლზე 3-4 წუთის განმავლობაში და პერიოდულად ამოურიეთ.
გამომცხვარი ხაჭაპური ღია მხრიდან გააფორმეთ კრემით და გემოვნების მიხედვით გააწყვეთ კენრით და შაქრის პუდრით. ბოლოს დაამატეთ დესერტს ერთი პატარა ღერო პიტნა. დესერტი მზადაა.
წყარო: news.ge
კენკროვანი აჭარული ხაჭაპური - კულინარია
⏱️ 1 წთ.
👁️ 1 345
100%