ჟოლოს კექსი - მარტივი, მსუბუქი და ძალიან გემრიელი



ინგრედიენტები:
დარბილებული კარაქი 150 გ
შაქარი 150 გ
კვერცხი 3
ფქვილი 210 გ
ვაშლი 1
ვანილი, ჟოლო 300 გ
გამაფხვიერებელი 1 ჩ.კ

დარბილებული კარაქი და შაქარი ათქვიფეთ სანამ ფუმფულა მასა არ გახდება.სათითაოდ დაამატეთ კვერცხები. შემდეგ დაამატეთ ვანილი, მწიკვი მარილი და გახეხილი ვაშლი.
ბოლოს დაამატეთ გაცრილი ფქვილი და გამაფხვიერებელი.

კექსის ფორმას წაუსვით ცხიმი ან ჩააფინეთ ქაღალდი. გადაიტანეთ ცომის ნაწილი, მოაყარეთ ჟოლო, კვლავ ცომის ნაწილი, ისევ ჟოლო. ზემოდან გადაუსვით დარჩენილი ცომი. გამოაცხეთ 180 გრადუსზე, დაახლოებით 40-45 წუთი.

გაციებულ კექსს შეგიძლიათ მოაყაროთ პუდრა ან გადაუსვათ ათქვეფილი ნაღების (ან მოხარშული) კრემი, ზემოდან კი მორთოთ ცოცხალი ჟოლოთი.

წყარო: presa.ge
































ტექსტის სანახავად გაიარეთ რეგისტრაცია.