ფიკუსი - თქვენი სახლის უძველესი მკურნალი მეჭეჭების, რევმატიზმის და სხვა უამრავი დაავადების დროს...



ამ მცენარეს მიაწერენ ისეთ მაგიურ ძალებს, როგორიცაა: ნაყოფიანობა, დაცვა, სიბრძნე, მედიტაცია. ასევე ფიკუსი შთანთქავს უარყოფით ემოციებს, ეხმარება გაჭიანურებული ცხოვრებისეული პრობლემების გადაჭრაში, წმენდს სახლის ატმოსფეროს განცდებსა და მღელვარებისგან.
არსებობს თქმულება: " თუ ოჯახს არ ჰყავს შვილები და მეუღლეებს ძალიან უნდათ მათი ყოლა, აუცილებლად უნდა შეიძინონ ფიკუსი". ფიკუსი სახლში - ბედნიერების მომტანია.

ამის გარდა ფიკუსს გააჩნია ეფექტური სამკურნალო თვისებები. ფიკუსს იყენებენ გაციების, ხველების, ოსტეოქონდროზის, რევმატიზმის, ართრიტის, ბუასილის და სხვ. დაავადებების სამკურნალოდ. ყველა დაავადებების ჩამოთვლა, რომლებიც იკურნება ფიკუსის დახმარებით, შეუძლებელია, ვინაიდან სამწუხაროდ ბევრი რეცეპტი დაკარგულია.

ოსტეოქონდროზის, რევმატიზმის, ართრიტის დროს


1 ც. ფიკუსის ფოთოლი გაატერეთ ხორცსაკეპ მანქანაში, დაასხით 100 მლ არაყი, მჭიდროდ დაახურეთ თავსახური და დადგით ბნელ, გრილ ადგილას 2 კვირით. შემდეგ ნაყენი გაფილტრეთ მარლის 2 ფენაში, გადაიღეთ მუქი ფერის შუშის ბოთლში და შეინახეთ მაცივარში. გამოყენების წინ ნაყენი გაათბეთ, მაგრამ არა ცეცხლზე, არამედ ცხელი წყლის ნაკადის ქვეშ. ძილის წინ დაიზილეთ მტკივნეული ადგილები თბილი ნაყენით და შეიხვიეთ შალის შარფით. მკურნალობის კურსი - 10 დღე.

მეჭეჭები, ცხიმგროვა


2 ც. ფიკუსის ფოთოლი გაატერეთ ხორცსაკეპ მანქანაში და გაწურეთ. 100 მლ ფიკუსის წვენს დაასხით 50 მლ ძმრის ესენცია, გადაიღეთ მუქი ფერის შუშის ბოთლში და მჭიდროდ დაახურეთ თავსახური. ნაყენი დაიწვეთეთ (1-2 წვეთი) პრობლემურ ადგილზე ისე, რომ არ გადავიდეს ჯანმრთელ კანზე. თუ მაშინვე იგრძენით ძლიერი წვა, ეგრევე ჩამოიბანეთ წყლით. თუ წვა მოსათმენია - ჩამოიბანეთ 10 წამში.

ნაწლავური მოშლილობები, დიზენტერია

50 მლ ფიკუსის წვენს დაამატეთ 100 მლ სამედიცინო სპირტი, დადგით დასაყენებლად 2 დღით ბნელ, გრილ ადგილას. მიიღეთ პირველ დღეს 1 ს.კ. ყოველ 2 საათში, მეორე და მესამე დღეს - 1 ს.კ. 5-ჯერ დღეში, მეხუთე დღეს - 1 ჩ.კ. 3-ჯერ დღეში.

ბრონქიტი, ხველა

ფიკუსის ფოთოლი 2-3 წუთი მოხარშეთ წყალში, ამოიღეთ და თბილ ფურცელს წაუსვით თაფლი. ძილის წინ დაიდეთ გულმკერდზე, დაადეთ ცელოფანი და შეიხვიეთ შალით. პროცედურები ჩაიტარეთ გამოჯანმრთელებამდე.

კბილის ტკივილი

1 ს.კ. ფიკუსის წვენს დაამატეთ 3 ს.კ. სპირტი და დადგით დასაყენებლად 2-3 დღით ბნელ, გრილ ადგილას. კბილის ტკივილის დროს დაასველეთ ბამბა ნაყენში და დაიდეთ კბილზე ან ჩაიწვეთეთ გამოხრულ კბილში. ნაყენი შეინახეთ მაცივარში.

ბუასილი

ბამბის ტამპონი დაასველეთ ფიკუსის წვენში და უკან ტანში შეიყვანეთ ძილის წინ. მკურნალობის კურსი - 10 დღე.


წყარო: etanews.ge
































ტექსტის სანახავად გაიარეთ რეგისტრაცია.