წინასაახალწლო სამზადისისას, როცა ჯერი გოზინაყზე მიდგება, გაიხსენეთ, რომ თაფლს ფართოდ იყენებენ კოსმეტოლოგიაშიც. ამიტომ შეგიძლიათ, საკუთარ სილამაზეზეც იზრუნოთ.
ნიღბები ნორმალური კანისათვის
ორი საშუალო ზომის კარტოფილი გახეხეთ, შეურიეთ ერთი ჩაის კოვზი თაფლი, 15-20 წუთს გაიჩერეთ სახეზე და შემდეგ თბილი წყლით ჩამოიბანეთ. კანს აცოცხლებს.
პრობლემური კანისათვის
ერთი ჩაის კოვზი ყვითელგულას ნაყენი გახსენით ერთ ჭიქა ადუღებულ წყალში. დაუმატეთ ერთი ჩაის კოვზი თაფლი და კარგად აურიეთ. გამოიყენეთ ფერისმჭამელების დროს.
მშრალი კანისათვის
30 გრ ხორბლის ფქვილი, 50 გრ თაფლი და 20 გრ წყალი ერთმანეთში კარგად აურიეთ. მარლის ტამპონით სახეზე დაიდეთ. 15-20 წუთის შემდეგ ოთახის ტემპერატურის წყლით ჩამოიბანეთ.
ცხიმიანი კანისათვის
შავი პურის გული 30 მლ ცხელ რძეში დაალბეთ, გასრისეთ, დაუმატეთ 1 სუფრის კოვზი თაფლი და ერთი სუფრის კოვზი ზეითუნის ზეთი. სახის მშრალ ადგილებზე მკვებავი კრემი წაისვით და შემდეგ მთელ სახეზე ნიღაბი დაიდეთ. 15-20 წუთის შემდეგ ჩამოიბანეთ.
წყარო: etanews.ge
თქვენთვის ქალბატონებო - გოზინაყის მომზადებისას გაიხსენეთ, რომ…
⏱️ 1 წთ.
👁️ 3 232
100%