დღეს სწორედ ასეთ რეცეპტს გაგაცნობთ, რომლის მთავარი შემადგენელი ნაწილიც კარტოფილია.
დაგჭირდებათ:
* დიდი, ღუმელში გამომცხვარი კარტოფილი;
* გამდნარი კარაქი;
* მარილი;
* წიწაკა;
* გახეხილი ყველი;
* კვერცხი;
* (სურვილისამებრ შეგიძლიათ ჩაატაროთ ექსპერიმენტი და თქვენივე გემოვნებით დაამატოთ რაიმე).
მომზადება:
1. გააცხელეთ ღუმელი 180 გრადუსზე;
2. ჩაის კოვზით ფრთხილად ამოაცალეთ გული კარტოფილს;
3. კარტოფილს შიგნით წაუსვით კარაქი; გემოვნების მიხედვით მოაყარეთ მარილი და წიწაკა;
4. მოაყარეთ კარტოფილს ერთი ფენა გახეხილი ყველი და სურვილისამებრ სხვა რომელიმე პროდუქტიც, მაგალითად - ბეკონი.
5. როდესაც კარტოფილს ნახევრად ამოავსებთ, მოასხით თოხლო კვერცხი (თუ კარტოფილი ძალიან დიდი არაა, კვერცხიც შესაბამისად პატარა უნდა იყოს);
6. ზემოდან კიდევ ერთხელ მოაყარეთ გახეხილი ყველი;
7. გამოცხვეთ კარტოფილი დაახლოებით 20 წუთი;
8. შეგიძლიათ მწვანილიც მოაყაროთ.
სასურველია ღუმელიდან გამოღების შემდეგ, მალევე მიირთვათ.
წყარო: presa.ge