პური შეიცავს ჯანმრთელობისთვის საჭირო თითქმის ყველა მინერალურ ნივთიერებას. მიუხედავად ამისა, ცომში სპეციალურად ამატებენ ცილებს, B1, B2, C და PP ვიტამინებს, რკინას, კალციუმსა და ლეციტინს. პური დიდი რაოდენობით შეიცავს, ასევე, უჯრედისს, ანუ სასარგებლო ბალასტურ ნივთიერებებს, რომლებიც ასტიმულირებს ნაწლავების მუშაობის პროცესს.
ადამიანის ჯანმრთელობისთვის სასარგებლოა დაღერღილი ხორბლის ფქვილისგან გამომცხვარი პური. თუ მას ყოველდღე მიირთმევთ, სისხლში საგრძნობლად შეამცირებთ ქოლესტერინის დონეს.
ქატოსგან გამომცხვარი პური იცავს გულ-სისხლძარღვთა სისტემას დაავადებისგან და ხელს უშლის კიბოს განვითარებას.
თუ თირკმელების დაავადება გაწუხებთ, უნდა ჭამოთ ცილებით ღარიბი პური, ხოლო, თუ ჰიპერტონიკი ხართ – ნაკლებად მარილიანი, დიაბეტით დაავადებულმა ადამიანმა კი უნდა მიირთვას ჭვავის პური, რადგან ხორბლის ფქვილისგან გამომცხვარი პური მაღლა სწევს სისხლში შაქრის დონეს.
გამომშრალი თეთრი პური სასარგებლოა კუჭის წყლულით, ღვიძლისა და ნაღვლის ბუშტის დაავადებებით დასნებოვნებული ადამიანებისთვის.
for.ge
როგორი პური უნდა ვჭამოთ სხვადასხვა დაავადებების დროს
⏱️ 1 წთ.
👁️ 1 931
100%