შავი ქლიავის დიეტა



ნებისმიერი სახეობის ხილის ჩირი ძალიან სასარგებლოა. განსაკუთრებული თვისებებით კი შავი ქლიავი და მისი ჩირი გამოირჩევა.

რატომ უნდა დაიცვათ შავი ქლიავის დიეტა?

შავი ქლიავის დიეტა 4 დღეში 2-დან 4 კგმდე დაგაკლებინებთ. ამასთანავე, მისი ნოყიერობის წყალობით, დიეტის დღეებში არ შეგაწუხებთ შიმშილის შეგრძნება. შავი ქლიავი დიდი რაოდენობით პექტინს შეიცავს, რაც აწესრიგებს ნაწლავებს და წმენdს ორგანიზმს. ის შეკრულობის საწინააღმდეგო ბუნებრივ საშუალებადაც გვევლინება.

100 გრ. შავი ქლიავი 732 მგ. კალიუმს შეიცავს. კალიუმი კი, თავის მხრივ, ორგანიზმში წყლისა და ელექტროლიტების რაოდენობას აბალანსებს და სისხლის მიმოქცევას აუმჯობესებს. ის სასიცოცხლოდ აუცილებელია გულის ფუნქციონირებისთვისაც.

შავ ქლიავს შარდმდენი ეფექტიც აქვს. ის დიდი რაოდენობით მაგნიუმს, ფოსფორს, რკინას, ბეტა კაროტინს, ორგანულ მჟავებსა და B/C ვიტამინებს შეიცავს.

როგორ უნდა შეარჩიოთ შავი ქლიავი?

დიეტისთვის შერჩეული შავი ქლიავი არც ძალიან მწარე უნდა იყოს და არც ძალიან ტკბილი. იდეალურ ვარიანტს მკვეთრი შავი, მაგარი ქლიავი წარმოადგენს. სწორად შერჩევის შემდეგ კი ქლიავი თბილ წყალში ნაზად, თითო-თითოდ გარეცხეთ.

დიეტის მენიუ:

1 დღე

საუზმე: 1 ც. მოხარშული კვერცხი, გრეიფრუტი, უშაქრო ყავა და 1-2 შავი ქლიავი.
სადილი: ბოსტნეულის სუპი კარტოფილის გარეშე, 1 ნაჭერი ჭვავის პური, 2 ც. ნიგვზის ლებანი, 8 ც. შავი ქლიავი და უშაქრო ჩაი.
ვახშამი: 1 ც. მოხარშული ყველი, 1 ნაჭერი მოხარშული თევზი, ფორთოხალი და უშაქრო ჩაი.

2 დღე

საუზმე: 30 გრ. ყველი, 2 ც. შავი ქლიავი და უშაქრო ყავა.
სადილი: ბოსტნეულის სუპი, 1 ნაჭერი ჭვავის პური, 100გრ. მოხარშული საქონლის ხორცი, 2-3 ც. ნუში და მწვანე ჩაი.
ვახშამი: ცოცხალი ბოსტნეულის სალათი, 4 ც. შავი ქლიავი და მწვანე უშაქრო ჩაი.

3 დღე

საუზმე: 1 ნაჭერი ჭვავის პური უცხიმო ლორთან და ყველთან ერთად, 3 ც. შავი ქლიავი და უშაქრო ყავა.
სადილი: ბოსტნეულის სუპი, 1 ნაჭერი ჭვავის პური, პომიდორი, პატარა კარტოფილი, 2ც. შავი ქლიავი და უშაქრო ჩაი.
ვახშამი: 1 ნაჭერი ჭვავის პური, 1 ჭიქა რძე, 5 ც. შავი ქლიავი და უშაქრო ჩაი.

4 დღე

საუზმე: რძეში გახსნილი ნახევარი ჭიქა შვრია, 4 ც. შავი ქლიავი და უშაქრო ყავა.
სადილი: ბოსტნეულის სუპი კარტოფილის გარეშე, 1 ნაჭერი ჭვავის პური, კიტრი, პომიდორი, 2 ც. შავი ქლიავი და უშაქრო ჩაი.
ვახშამი: 1 ნაჭერი ჭვავის პური ლორთან და ყველთან ერთად, 40გრ. ქიშმიში, 6 ც. შავი ქლიავი და უშაქრო ჩაი.


წყარო: active.ge
































ტექსტის სანახავად გაიარეთ რეგისტრაცია.