მასალად საჭიროა:
5 კვერცხი,
5 – 6 სუფრის კოვზი ცივი წყალი,
170 გრამი შაქარი,
მარილი,
125 გრამი ფქვილი,
100 გრამი წვრილად დაჭრილი ნუში,
750 გრამი ჟოლო,
750 გრამი ნაღები.
მომზადების წესი:
5 კვერცხის გული კარგად გავთქვიფოთ წყალთან ერთად. დავამატოთ შაქრის 2/3 და კარგად ავთქვიფოთ, გათეთრებამდე, შემდეგ კი კვერცხის ცილა ავთქვიფოთ მარილთან ერთად და მასში გათქვეფილი კვერცხის გული ჩავამატოთ, დავამატოთ ფქვილი და წვრილად დაჭრილი ნუში. ეს ყველაფერი ერთმანეთში კარგად ავურიოთ, შემდეგ ჩავასხათ ფორმაში და ჰაერღუმეში შევდგათ. ბისკვიტი დაახლოებით 45 წუთის განმავლობაში ცხვება, შემდეგ რამდემიმე საათით ცივ ადგილას უნდა გავჩეროთ და მერე სამ ნაწილად გავჭრათ.
ჟოლო კარგად გავასუფთაოთ და გარკვეული ნაწილი მოსართავად გადავინახოთ. ნუში მოვხალოთ. ნაღები შაქართან ერთად გავთქვიფოთ ისე, რომ მაგარი ქაფი მივიღოთ. დავამატოთ ორი სუფრის კოვზი ჟოლოს წვენი. შემდეგ სამი სუფრის კოვზი ნაღები საკონდიტრო ტომარაში მოვათავსოთ, დანარჩენი ნაღები ჟოლოსთან ერთად გავთქვიფოთ, ბისკვიტის ორ ფენაზე წავუსვათ ნაღები ჟოლოსთან ერთად და ერთმანეთზე მოვათავსოთ. ზემოდან დავადოთ მესამე ფენა, შემდეგ ტორტი ყველა მხრიდან ნაღების კრემით დავფაროთ. მოვაყაროთ ნუში, მოვრთოთ საკონდიტრო ტომარაში მოთავსებული ნაღებით და გადანახული ჟოლოთი.
galanews.ge
ჟოლოს ტორტი ნაღებით - რეცეპტები - კულინარია
⏱️ 1 წთ.
👁️ 767
100%