ორსულობა სრულიად გცვლით. ის ეხება თქვენს ფიზიკურ, ემოციურ , ფსიქოლოგიურ მდგომარეობას და დიდ გავლენას ახდენს თქვენს ლიბიდოსა და სექსუალურ ცხოვრებაზე. ამასთან ეს გავლენა იმდენად ინდივიდუალურია, რომ მას ყველა ქალი, ყველა ორსულობისას სხვადასხვა გვარად განიცდის.
შესაძლებელია ორსულობისას სავსებით დკარგოთ სექსის მიმართ ინტერესი, ან პირიქით საოცრად ძლიერი ლტოლვა განიცადოთ, ან თქვენი განწყობა ძლიერ ცვალებადი იყოს. ეს ყველაფერი სავსებით ნორმალურია, უსმინეთ საკუთარ თავს და მიიღეთ თქვენი სურვილები. ასევე კარგად აუხსენით თქვენი მდგომარეობა პარტნიორს. მოუყევით თუ როგორ გრძნობთ თავს და რა გსურთ.
არსებობს მხოლოდ ერთი, უსაფრთხოების საკითხი. ყველა ორსულს აინტერესებს რამდენად უსაფრთხოა სექსი ორსულობისას. ყველა წყარო მიუთითებს, რომ ნორმალურად და ჯანსაღად მიმდინარე ორსულობისას სექსი აბსოლუტურად უსაფრთხოა ნაყოფისთვის და ასევე თქვენთვისაც. რადგანაც ყველა ორსული ინდოვიდუალურია, ჰკითხეთ თქვენს ექიმს, თუ როგორია პირადად თქვენი მდგომარეობა ამ მხრივ და რამდენად უსაფრთხოა სექსი თქვენს შემთხვევაში.
სექსი არ არის მიზანშეწონილი, თუ:
პლაცენტა განთავსებულია საშვილოსნოს ყელის სიახლოვეს;
გაქვთ სისხლდენა საშოდან;
საშვილოსნოს ყელის უკმარისობა;
დაღვარეთ წყლები და დარღვეულია სანაყოფე აპკის მთლიანობა;
გქონიათ ნაადრევი მშობიარობა;
სექსი ორსულობისას უსაფრთხოა, რადგან ნაყოფი კარგად არის დაცული სანაყოფე პარკითა და წყლებით. ასევე საშვილოსნოს სქელი კუნთები მას მჭიდროდ აკავებს. გამონადენის საკმაოდ სქელი საცობი კი მჭიდროდ კეტავს საშვილოსნოს ყელს და ყველა ინფექციისგან იცავს მას. იმის გამო რომ სისხლის მიმოქცევა ორსულობისას სასქესო ორგანოებისკეს საკმაოდ გაძლიერებულია, ამ ადგილების მგრძნობეობა განსაკუთრებით მომატებულია, რის გამოც სექსი ზოგს ორსულობისას მეტად სასიამოვნოდაც მიაჩნია, ვიდრე ჩვეულებრივ მდგომარეობაში. ორგაზმით გამოწვეული საშვილოსნოს კუნთის სპაზმებიც საკმაოდ სუსტი და ხანმოკლეა, რომ ზიანი მიაყენონ პატარას. ასე რომ დამშვიდდით და მიიღეთ მაქსიმალური სიამოვნება.
თუ ორსულობაში სექსის მიმართ ინტერესი დაკარგეთ, არაუშავს. განსაკუთრებით პირველ ტრიმესტრში, სხვადასხვა ფიზიკური თუ ემოციური ზეგავლენით ეს საკმაოდ ხშირია. მეორე ტრიმესტრი ამ მხრივ გაცილებით იოლია, და ბევრ ქალსაც უბრუნდება ინტერესი სექსის მიმართ. მესამე ტრიმესტრი კი მუცლის დიდი ზომების გამო სექსისთვის ისევ მოუხერხებლად მიაჩნიათ.
თუ სექსის მიმართ ინტერესი არ დაგიკარგავთ, მაშინ სცადეთ შემდეგი პოზები, რომლებიც მოსახერხებლად ითვლება, განსაკუთრებით კი ბოლო თვეებში, როდესაც მუცელი საკმაოდ დიდია და შესაძლოა ხელს გიშლით. მოსახერხებელია შემდეგი პოზიციები:
კოვზების პოზა, იგივე spooning – ნაზი და მოსახერხებელი პოზა ჩახუტებებისთვის. თქვენ გვერდზე წევხართ, პარტნიორი კი ზურგიდან გეხვევათ. შეღწევა ზომიერია და მსუბუქი, მოძრაობაშიც შეუზღუდავი ხართ;
სექსი სკამზე – თქვენ დაჯექით სკამზე, პარტნიორი კი თქვენს წინ მოთავსდეს მუხლებზე;
თქვენ ზემოდან – ამ შემთხვევაში მუცელს სიმძიმე არ აწვება და თქვენ აკონტროლებთ სასურველ შეღწევის დონესა და მოძრაობის რითმს;
მაკრატელა – მსუბუქი და ნელი შეღწევისთვის რეკომენდირებული პოზაა;
სექსი საწოლის კიდეზე – თქვენ საწოლის კიდეზე წევხართ, თქვენი პარტნიორი კი საწოლთან დგას ან ჩამუხლულია. ამ პოზიციას ექიმი რუთისა და ექიმი ამოსის პოზიციასაც უწოდებენ;
ორალური სექსი ორსულობისას აბსოლუტირად უსაფრთხოა, როგორც თქვენთვის ასევე თქვენი პარტნიორისთვის;
სექსი ბალიშების გამოყენებით – მოიმარჯვეთ ბალიშები თქვენი მუცლის გასწვრივ, წელის ქვეშ მისიონერულ პოზაში;
თქვენ ზემოდან, მხოლოდ ამჯერად პარტნიორთან ზურგშექცევით ასევე მოსახერხებელ პოზად ითვლება;
პოლიციელი – თქვენ კედელთან დგახართ სახით და ხელებით ეყრდნობით, ფეხები ფართოდ გაქვთ გაშლილი. პარტნიორი კი უკნიდან არის;
როგორც არ უნდა მოქმედებდეს თქვენზე და თქვენს ლიბიდოზე ორსულობა, გახსოვდეთ, რომ მთავარ გულწრფელი კომუნიკაცია თქვენს პარტნიორთან. ეს თქვენს ურთიერთობებს ყველა სირთულისგან იხსნის. ისაუბრეთ ღიად და გულახდილად თქვენს პარტნიორთან.
წყარო: cacao.cp.ge
სექსი ორსულობისას
⏱️ 1 წთ.
👁️ 28 634
100%