ჭარბ წონასთან დაკავსირებული პრობლემის აქტუალობის გამო ჩვენ ვცდილობთ კლასიკურ რეცეპტებს ოდნავ გადავუხვიოთ და სხვადასხვა კერძებისა თუ დესერტების დიეტური ვარიაციები შემოგთავაზოთ. თუ სასუსნავი ძალიან მოგინდათ და არ გსურთ უზომოდ ბევრი კალორიის მიღება ჩვენ ამისათვის შესანიშნავ გამოსავალს გთავაზობთ.
ჩიზქეიქი - ყველასათვის საყვარელი ნამცხვარია, სწორედ ამიტომ გთავაზობთ რეცეპტს თუ როგორ მოამზადოთ ის დიეტურად.
ინგრედიენტები:
ფხვიერი ნამცხვარი (“პეჩენია”) 150 გ
ვაშლის წვენი 50-60 მლ
გულსართისთვის:
კრემისებური ხაჭო, უცხიმო 400 გ
ნატურალური იოგურტი ან მაწონი 350 გ
კვერცხი 1 დიდი ან 2 პატარა
სახამებელი 1.5 ს.კ
შაქარი 3.5 ს.კ
ლიმონის ცედრა
ლიმონის წვენი 3-4 ს.კ
მომზადების წესი:
ფხვიერი ნამცხვარი დავფხვნათ და ავურიოთ წვენში. ჩავტკეპნოთ საშუალო ზომის ფორმის (20-23 სმ) ძირზე.
გულსართისთვის განკუთვნილი ყველა ინგრედიენტი ბლენდერში ავთქვიფოთ. დავასხათ ფორმაში. ფორმას შემოვაკრატ ფოლგა და ჩავდოთ უფრო განიერ ჭურჭელში, რომელშიც ჩავასხამთ წყალს. წყალი ჩიზქეიქის ფორმას შუამდე უნდა სწვდებოდეს.
ცხვება 180 გრადუსზე 50 წუთი. შემდეგ ღუმელი გამოვრთოთ, მაგრამ ჩიზქეიქი შიგ დავტოვოთ გაცივებამდე.
წყარო: lollipop.ge
დიეტური ჩიზქეიქი
⏱️ 1 წთ.
👁️ 4 691
100%