დიეტა მსუბუქი დიეტების რიცხვს ეკუთვნის. მისი მეშვეობით მოხდენილი სხეული ნელ–ნელა, მაგრამ ეფექტურად ფორმირდება. ამ დიეტის ხანგრძლივობა, ჩვეულებრივ, სამიდან ექვს თვემდეა, რაც წონის ინდივიდუალურ ზედმეტობაზეა დამოკიდებული. ამ დიეტის დაცვით ცხოვრების ჩვეული წესიდან არ ამოვარდებით, რადგან ის რაციონს სულ უმნიშვნელოდ შეგიმცირებთ.
პირველ კილოგრამებს ძალიან იოლად მოიკლებთ, სირთულეები შეიძლება იდეალური წონის მიახლოებისკენ დაიწყოს. დიეტის სტარტზე კარგი იქნება თუ განტვირთვის ორ დღეს მოიწყობთ, რათა კუჭის მოცულობა შეგიმცირდეთ: დღის განმავლობაში აუცილებლად უნდა მიიღოთ ლიტრნახევარი ცხიმგამოცლილი რძე და დაახლოებით 100 გრამი შავი პური.
რაციონიდან მთლიანად უნდა ამოიღოთ მაგარი სპირტიანი სასმელები, მშრალი ღვინის გარდა. გახსოვდეთ, რომ თქვენს ფიგურაზე ყველაზე დამღუპველ გავლენას ტკბილი ლიმონათები, ფქვილეული, ლუდი, თეთრი პური და შემწვარი კარტოფილი ახდენს. ასევე უნდა შეზღუდოთ მარილის მიღებაც, რადგან ის ორგანიზმიდან წყლის გამოდევნას აფერხებს.
დიეტასთან ერთად რეკომენდებულია აერობიკა და ვარჯიში, რაც სხეულის კუნთოვანი ტონუსის შენარჩუნებაში დაგეხმარებათ.
დიეტის მენიუ:
პირველი და მეორე დღე (განტვირთვის დღეები)
საუზმე – შავი პურის ნაჭერი და ჭიქა რძე (ცხიმგამოცლილი)
13:00 – რძე.
16:00 – რძე და პური.
19:00 – რძე.
მესამე და მეოთხე დღე (ცილოვანი დღეები)
საუზმე – პურის ნაჭერი ერთ კოვზ თაფლთან და კარაქთან ერთად, ყავა უშაქროდ და ურძეოდ.
13:00 – თევზის ან ხორცის ბულიონის ერთი ფინჯანი, 150-200 გრ. მოხარშული თევზის ან საქონლის ხორცი, გარნირად ლობიო ან მწვანე ბარდა (4 სუფრის კოვზი) ან ისპანახი (მწვანილი შეგიძლიათ შეუზღუდავად მიირთვათ), 100-150 გრ. ახალი ბოსტნეულის სალათი, რამდენიმე ნაჭერი ორცხობილა. დესერტად შეგიძლიათ დააყოლოთ ერთ-ერთი ამ სასმელებიდან: ფინჯანი ჩაი (სასურველია თაფლისა და შაქრის გარეშე), თეთრი ღვინო, უშაქრო გაზიანი წყალი, ბალახეულის ნაყენი.
16:00 – ფინჯანი ჩაი ან რძე ნახევარი სუფრის კოვზი თაფლით.
19:00 – სურვილის მიხედვით: ჭიქა კეფირი, ორი კვერცხი, 50 გრამი თევზის ან საქონლის ხორცი ან პურის ნაჭერი და ყველი.
მეხუთე-მეექვსე დღეები (ნახშირწყლების, ბოსტნეულის დღეები)
საუზმე – ორი ვაშლი ან ორი ფორთოხალი.
13:00 – ბოსტნეულის სუპი კარტოფილის გარეშე, ვინეგრეტი, სალათი ან მცენარეულ ზეთზე დამზადებული ბოსტნეულის რაგუ, პურის ნაჭერი. დესერტად შეგიძლიათ მიირთვათ ხილის სალათი. დაშვებულია თაფლის ან შაქრის შემცვლელის გამოყენება.
16:00 – ნებისმიერი ხილი ბანანის გარდა.
19:00 – სალათი, ჩაი ნახევარი სუფრის კოვზი თაფლით. ალტერნატიული ვარიანტია წვენი და 750 გრ. ხილი.
ბოლო ჭამა საღამოს არაუგვიანეს 19:00 საათისა უნდა იყოს. თუ ამ დიეტას დაიცავთ, ფიგურის მოხდენილი ფორმების მიღწევა და შენარჩუნება არ გაგიჭირდებათ.
წყარო: life.mediamall.ge
მსუბუქი და ეფექტური დიეტა საუკეთესო შედეგით
⏱️ 1 წთ.
👁️ 3 628
100%