პოპკორნი ყველაზე პოპულარული და რაც მთავარია, ყველაზე იაფი სასუსნავია. კინოსეანსის დროს პოპკორნის მირთმევას დიდი ხნის ტრადიცია აქვს. მისი მოყვარულები ვერც კი წარმოიდგენენ, რომ ეს პროდუქტი არც ისე სასარგებლოა, როგორც ერთი შეხედვით შეიძლება ჩანდეს.
პოპკორნის მრაცვლების ნაწილაკები ხშირად იჭედება კბილებში, ეს შეიძლება ინფექციის ან კარიესის მიზეზი გახდეს. გარდა ამისა, გახურებისას ყველა მარცვალი არ სკდება და თუ ის უნებურად კბილებში მოგყვათ, იმდენად მაგარია, რომ შეიძლება კბილიც დაიზიანოთ.
პოპკორნი, რომელიც კინოთეატრებში იყიდება, სწრაფად მზადდება და მისი კვებითი ღირებულება საკმაოდ საეჭვოა. ის დიდი რაოდენობით შეიცავს სრულიად უსარგებლო ცხიმსა და მარილს. თუ პოპკორნზე უარის თქმა არ შეგიძლიათ, უმჯობესი იქნება, თუ მას თვითონ მოამზადებთ. ამისთვის ნატურალური ზეთი და ნაკლები მარილი გამოიყენეთ.
ჩრჩილის საწინააღმდეგო საშუალებები
ნაფტალინის ბურთულებს მთელ მსოფლიოში გამოიყენებენ სამოსისა და ქსოვილების შესანახად და ჩრჩილის დასაფრთხობად. ჩრჩილის საწინააღმდეგო საშუალებები შეიცავენ პესტიციდებს, რომლებიც მავნებლებზე მომაკვდინებლად მოქმედებს. თუმცა აღმოაჩინეს, რომ ისინი ასევე შეიცავენ ინგრედიენტებს, რომლებიც განსაკუთრებით ბავშვებისთვისაა სახიფათო.
ზოგიერთ ქვეყანაში ნაფტალინის ბურთულები უკვე აიკრძალა. ისინი ასევე შეიცავენ ტოქსიკურ ნივთიერებებს, მაგალითად, ინსექტიციდებს, რომლებსაც სხვადასხვა გზით შეუძლიათ ადამიანის ორგანიზმში მოხვედრა: ისინი შეიძლება გადაყლაპოთ ან შეისუნთქოთ. თუ თქვენ ნაფტალინის სუნს გრძნობთ, ესე იგი მავნე ნივთიერებები უკვე თქვენს ფილტვებშია.
წყარო: life.mediamall.ge
პოპკორნი და ნაფტალინი სახიფათოა?
⏱️ 1 წთ.
👁️ 2 374
100%