მამაკაცები უცნაური არსებები არიან. ზოგჯერ ისეთი შთაბეჭდილება გრჩება, თითქოს ერთი პლანეტიდან არ ვართ. საქმე სქესობრივ განსხვავებაში არ არის, საქმე აზროვნებაში, ფიქრებში, სურვილებსა და ქმედებაშია. ის, რაც ხშირად ქალს ძალიან უცნაურად, რთულად და ხშირად აკრძალულადაც ეჩვენება, მამაკაცებისთვის ჩვეული და მისაღებია.
რა მოხდება, ქალმა მამაკაცის ფიქრების ამოცნობა რომ შეძლოს, იდილია შეიქმნება თუ კიდევ უფრო ამოუცნობი გახდება მამაკაცი მისთვის? პასუხს ვერავინ გვეტყვის და ტვინშიც ვერავის შეუძვრები, მაგრამ თუ გვინდა გავიგოთ, ზოგადად რას ფიქრობენ მამაკაცები, საკუთარი თავი მამაკაცის ადგილზე უნდა წარმოვიდგინოთ, იქნებ ასე მივიღოთ პასუხი კითხვაზე - ”რა სურს მამაკაცს?”
მაშ ასე, დავიწყოთ თანმიმდევრობით:
1. წესით, ყველა ადამიანს აქვს პირველი ხარისხის მოთხოვნილება (ჭამოს, დალიოს, გამრავლდეს...) და მეორე ხარისხის მოთხოვნილება (თვითრეალიზაცია, მეგობრობა, სიყვარული...). მამაკაცებს პირველი ხარისხის მოთხოვნილება მკვეთრად შემოსაზღვრული აქვთ - უნდა ჭამოს! აი, ეს არის მათი უმთავრესი მოთხოვნა. აბა, წარმოიდგინეთ, რას აკეთებს მამაკაცი, როდესაც სამსახურიდან დაღლილი მოდის? ფიქრობს მხოლოდ იმაზე, რომ სახლში მას გემრიელი ცხელი სადილი ელოდება. ხოდა, თუ თქვენ მას გემრიელად დააპურებთ, მის აზროვნებაში მეორე ხარისხის მოთხოვნილებებისთვისაც გაჩნდება ადგილი, ამ დროს კი გრძნობების მოზღვავებაც მთელი ძალით იქნება შესაძლებელი.
2. ბუნებით მამაკაცები მებრძოლნი, აქტივისტები, მონადირენი არიან. ისინი იბრძვიან, რომ იშოვონ ფული, წყვეტენ გლობალურ პრობლემებს. მათ ცხოვრებას ხშირად სასტიკი რითმი აქვს. სწორედ ამიტომ ყველა მამაკაცს ღრმად გულში სურს ჰქონდეს თბილი სახლი, სადაც მივა და დაივიწყებს ყველა პრობლემას. აი რატომ მოსწონთ მამაკაცებს ქალები, რომლებიც პრობლემებს არ ახვევენ.
3. რაც უნდა სკეპტიკურად აღვიქვავდეთ ამას ქალები, ყველა მამაკაცს ერთი დიდი სურვილი აქვს, დატოვოს კვალი, ჰყავდეს გვარის გამგრძელებელი. როგორი თავქარიანი და მექალთანეც არ უნდა იყოს მამაკაცი, გარკვეულ ასაკში მაინც დაფიქრდება იმაზე, რომ სჭირდება შვილი - უმჯობესია ბიჭი. ოღონდ ეს ისე არ გაიგოთ თითქოს მამაკაცი ამ შვილის აღზრდაზე ოცნებობს.
4. და იმისათვის, რომ კვალი დატოვოს - საჭიროა სექსი. ქალის აზრით, მამაკაცისთვის სექსი ერთადერთი სურვილია. ამაშოი ცდებით, ქალბატონებო. თუმცაღა, მას სექსი ქვეცნობიერადაც ძალიან ესაჭიროება. ჩვეულებრივ ყოფაში, მამაკაცი, რომელსაც დიდი ხანია, სექსი არ ჰქონია, გაღიზიანებულია, გაბოროტებული, ჩხუბობს.
5.მამაკაციც ჩვეულებრივი ადამიანია და ის ისევე, როგორც ქალი, ცდილობს, ფორმაში იყოს ყოველთვის. თვალყურს ადევნებს საკუთარ გარეგნობას. ეს ყველაფერი თვითდამკვიდრების სურვილით არის გამოწვეული. მამაკაცს სურს, გამოჩნდეს ძლიერი, ცდილობს, ავარჯიშოს და განავითაროს კუნთები, ზოგი საბრძოლო ხელოვნებასაც ეუფლება.
6. უძველესი დროიდან მამაკაცებში ჩადებულია ბრძოლის ინსტიქტი, ჯერ მიწებისთვის იბრძოდნენ, მერე ქალისთვის... მიზეზი დღემდე უთვალავია. ბრძოლის სურვილს ხშირად ისინი ძალადობამდე მიჰყავს.
7. ბრძოლა, რა თქმა უნდა, კარგია, მაგრამ მამაკაცისთვის ძალიან მნიშვნელოვანია გამარჯვება. მან გმირად უნდა იგრძნოს თავი. ამიტომ ხშირად აგრძნობინეთ საყვარელ მამაკაცს, რომ ის არის ყველა პრობლემის და უსიამოვნების მომგვარებელი, ის არის თქვენი გმირი.
8. ინტელექტუალური აიწონა-დაიწონა. სურვილი - იყოს ქალზე ჭკვიანი. მამაკაცი ცდილობს, კარგად ერკვეოდეს პოლიტიკაში, ეკონომიკაში, ტექნიკაში, არა მარტო ერკვეოდეს, არამედ აღმზრდელობითი ტონით აგიხსნას კიდეც ყველაფერი. უყვარს, როცა უსმენენ. ნუ დაიზარებთ, აგრძნობინეთ, რომ ძალიან ჭკვიანია.
9. მამაკაცების სურვილია, მიიღოს მონაწილეობა საზოგადო და სახელმწიფო მოვლენებშიც კი. კიდევ უარესი, იყოს მიზეზი, ამ მოვლენებისა. მისთვის აუცილებელია კვალი დატოვოს და თავისი სიტყვა თქვას იქ, სადაც, მისი აზრით, მისი ჩარევა აუცილებელია.
10. მამაკაცისთვის აუცილებელია საზოგადოების მეთაურად თუ არა, შემადგენელ ნაწილად მაინც იგრძნოს თავი. თუ ბავშვობაში ის საზოგადოებამ გარიყა, არ მიიღო და უარესი - დაჩაგრა, ის უბედური იზრდება და ბოროტდება. ბავშობაში მამაკაცს სურს, იყოს სასურველი მეგობარი თანატოლებისთვის, ასაკის მატებასთან ერთად ”ბოსობის” სურვილიც ჩნდება. ეს სურვილი ხშირად ქვეცნობიერია. თუ მამაკაცს თანამოაზრე ჰყავს, თავს მარტოსულად არ გრძნობს, რაც ძალიან მნიშვნელოვანია.
11. ქალის სითბოს მოთხოვნილება. როგორ მკაცრ ცხოველადაც არ უნდა გვეჩვენებოდეს ზოგიერთი მამაკაცი, შინაგანად ის პატარა ბავშვია, რომელსაც სურს, გულში ჩაიკრან და მიუალერსონ. ხშირად მამაკაცს ქალზე მეტად ესაჭიროება სითბო და ალერსი.
12.როდესაც ქალის დედობრივ სითბოზე ვსაუბრობთ, არ უნდა დაგვავიწყდეს მამობრივი ავტორიტეტი. პატარა ბიჭისთვის აუცილებელია, ხედავდეს ძლიერ, მტკიცე ხასიათის, მამას ოჯახში. ის უნდა გრძნობდეს მის ურყევ ძალას და ნებისყოფას, რომ წარმოიდგინოს, თუ როგორი უნდა იყოს ნამდვილი მამაკაცი.
13. მამაკაცისთვისაც აუცილებელია ფინანსური სტაბილურობის შეგრძნება. ამ სტაბილურობის საზომი მინიმუმით არ შემოიფარგლება - ”რაც მეტი, მით უკეთესი”. და ეს გასაკვირი არც არის, რადგან თუ ადამიანი საკუთარი შრომით შოულობს მისთვის საკმარის ფულს, ის თავს სრულფასოვნად თვლის.
14. თავგადასავლებისკენ სწრაფვა. ეს ყველაზე მეტად გავრცელებული სურვილია მამაკაცებში. არ აქვს მნიშვნელობა, ვინ რას უწოდებს თავგადასავალს, მთავარია, სისხლი დუღდეს და დიდი რაოდენობით ადრენალინი გამოიყოს.
15. ცვლილებების სურვილი შეიძლება ცალკე პუნქტადაც გამოვყოთ. ამან არ შეგაშინოთ. რადიკალურ ცვლილებებზე პირად ცხოვრებაში მამაკაცი ბევრად იშვიათად მიდის, ვიდრე ქალი.
16. შუა საუკუნეებში რაინდებს სურდათ, ებრძოლათ და სიცოცხლე შეეწირათ მაღალი იდეალებისთვის. თქვენ წარმოიდგინეთ მსგავსი სურვილები XXI საუკუნეშიც უჩნდებათ მამაკაცებს. მათ სჭირდებათ მიზანი, რომლისკენაც ისწრაფიან.
17. მიუხედავად მაღალი იდეალებისთვის ბრძოლის სურვილისა, ხშირად მამაკაცებს მშვიდი და უდარდელი ცხოვრებაც სურთ. ჰქონდეთ იდილია, პატარა სამოთხე, ყოველგვარი პრობლემების და წინაამდეგობების გარეშე.
18. როდესაც ეკონომიკურ სტაბილურობაზე და ლამაზ ცხოვრებაზე ვსაუბრობთ, არ დაგვავიწყდეს, რომ მამაკაცი ოცნებობს ჰყავდეს ”მაგარი” მანქანა, სწორედ ისეთი, გარშემომყოფებს რომ შეშურდეთ. მანქანა ხომ მამაკაცის სავიზიტო ბარათია.
19. და ჩვენს ჩამონათვალში ბოლო, მაგრამ არა უკანასკნელი სურვილი - სიყვარული. მამაკაცსაც, ისევე როგორც ქალს, სურს გიყვარდეს, ფიქრობდე, ელოდო, გჭირდებოდეს და ზრუნავდე მასზე.
წყარო: cacao.cp.ge
მამაკაცის ფარული სურვილები - ქალი და მამაკაცი
⏱️ 1 წთ.
👁️ 6 754
100%