ზაფხული ახლოვდება და ალბათ უკვე ბევრი ქალბატონი ფიქრობს სად გაატაროს შვებულება. მზიან ხმელთაშუა ზღვის სანაპიროზე ან შორეულ ეგზოტიკურ ქვეყანაში ახალი ურთიერთობის წამოწყება კი შვებულებაში გასვლის ერთ-ერთი მთავარი მიზეზია. ამ „საზაფხულო“ სიყვარულში ცუდი არაფერია.... მაგრამ არსებობს განსაზღვრული წესები, რომლებიც უნდა დაიცვათ.
ემოციური უსაფრთხოების წესი
ისეთ არაჩვეულებრივ საქმეს, როგორიც საკურორტო სექსია, თან ახლავს არასასიამოვნო მომენტებიც. სიმართლე რომ ვთქვათ, ეს მხოლოდ საკუთარი თავის მოტყუებაა. მზიანი ტოსკანიდან დაბრუნებული რამდენი გოგო ტიროდა ნოემბრამდე? საქმე იმაშია, რომ ურთიერთობის გაგრძელების პერსპექტივებზე ქალებს და კურორტზე გაცნობილ მამაკაცებს სრულიად განსხვავებული ხედვები აქვთ. და ეს სულაც არ ნიშნავს, რომ ქალები გულუბრყვილო სკოლის მოსაწვლეები არიან. უბრალოდ სხვადასხვა ქვეყნის მამაკაცებს განსხვავებული ტრადიციები და ტემპერამენტი აქვთ. მაგალითად, ესპანელები, ბერძნები ან ებრაელები ძალღონეს არ დაიშურებენ თქვენი კეთილგანწყობის მოსაპოვებლად, მაგრამ ამავდროულად სულაც არ ფიქრობენ სასიყვარულო ურთიერთობის მომავალზე. ქალები კი, ასეთი უჩვეულო და გრძნობებით აღსავსე დამოკიდებულების შემდეგ, ფიქრობენ, რომ ეს ნამდვილად სერიოზული გრძნობაა.
თუმცა ცხოვრებაში ყველაფერი ხდება. შესაძლოა პაბლომ ან კრისტოფმა ნამდვილად თქვენ შემოგწირონ მთელი დარჩენილი ცხოვრება და საკურორტო რომანი ნამდვილ სიყვარულშიც კი გადაიზარდოს. მაგრამ ამას დრო გვიჩვენებს.
ამიტომ, თუ გადაწყვიტეთ საზაფხულო თავგადასავლებით დატკბეთ, მაშინ ყველაზე ოპტიმალური ლოზუნგი იქნება „მოხდეს, რაც მოსახდენია.“ საკურორტო რომანს ფილოსოფიურად მიუდექით: სხვა თუ არაფერი შესანიშნავი მოგონებები დაგრჩებათ. თუ რისკისთვის მზად არ ხართ, მაშინ აჯობებს უარი თქვათ მზის ქვეშ ავანტიურაზე, წინააღმდეგ შემთხვევაში შემდეგ გულდაწყევტილი დარჩებით.
მოდუნდით
საკურორტო სექსის მომხიბვლელობა არა მხოლოდ კარგი გარემოა - ზღვა, ვარსკვლავები, ცისფერი ცა ან კოქტეილი ქოლგით, არამედ ის, რომ თქვენს პარტნიორს მეტი ვერასდროს შეხვდებით. ეს კი იმას ნიშნავს, რომ ყველაფრის გაკეთება შეგიძლიათ! რეალობად შეგიძლიათ აქციოთ თქვენი სექსუალური ფანტაზიები, ჩაატაროთ ექსპერიმენტები, მოკლედ თავს ყველაფრის უფლება მისცეთ. თავიდან აღმოაჩინოთ საკუთარი სექსუალურობა!
სახლში ახალი ცოდნითა და გამოცდილებით დაბრუნდებით, არა მხოლოდ ბავარიული სამზარეულოსა თუ თურქეთის ისტორიის შესახებ, არამედ საკუთარი შესაძლებლობების შესახებაც.
ცოტაოდენი წინდახედულება
ცხადია საკურორტო რომანები სარისკო საქმეა. ამბობენ, რომ თურქეთის პლაჟებზე მუშაობენ პროფესიონალი ქურდბაცაცები, რომლებიც ჯერ ელაქუცებიან ტურისტ ქალბატონებს, შემდეგ კი ძარცვავენ. ასევე არ უნდა დავივიწყოთ ვენერიული დაავადებების მაღალი რისკიც.
ამიტომ კარგი იქნება თუ სიფრთხილეს გამოიჩენთ. ცხადია, მცირე დროში მამაკაცის კარგად გაცნობა რთულია, თუმცა უფრო მეტად ენდეთ საკუთარ ინტუიციას. თუ გრძნობთ, რომ მამაკაცი არაადეკვატურად იქცევა, მაგალითად გაცნობის მესამე დღეს ცოლობას გთავაზობთ, საკუთარი ცხოვრების შესახებ არაფერს გიამბობთ, ან პირიქით, ოცნების კოშკებს გიშენებთ, უმჯობესი იქნება თუ მას ერთი ღამისთვისაც არ დაიმეგობრებთ.
ისიამოვნე
მთელი ზაფხული წინაა! ახლა დროა ჩემოდნის ჩალაგებაზე და სამხრეთელი მამაკაცების მოხიბვლაზე იფიქროთ.
წყარო: life.mediamall.ge
სექსი პლაჟზე: საკურორტო რომანის წესები - ქალი და მამაკაცი
⏱️ 1 წთ.
👁️ 1 990
100%