ქალბატონის გულის დაპყრობა, რა თქმა უნდა, მარტივი არ არის. ამისთვის მამაკაცებს მოთმინების მტკიცე უნარი ესაჭიროებათ. ამასთანავე, აუცილებელია, მათ კარგად იცოდნენ ქალური ფსიქოლოგია. ხშირად ისმის კითხვა, როგორ შევაყვარო თავი? მამაკაცებო, ქალბატონები, შესაძლოა, გარეგნულად და ხასიათითაც ერთმანეთისგან ძალიან განსხვავდებიან, მაგრამ მათში არის რამდენიმე საერთო მახასიათებელი, რომელიც მათი გულებისკენ გზას გაგიკვალავთ. ალბათ ეს კრიტერიუმები ყველასთვის ნაცნობია, უბრალოდ მათი შესრულება ნაკლებად იზიდავთ, ან თუნდაც ავიწყდებათ მამაკაცებს.
მამაკაცს ქალში, თავდაპირველად, გარეგნობა იზიდავს, შემდეგ კი თუ სერიოზულად დაინტერესდა, მისი შინაგანი სამყაროს გაცნობას იწყებსო. ნამდვილად ასეა, მაგრამ გახსოვდეთ მამაკაცებო, ანალოგიური ვითარებაა საპირისპირო შემთხვევაშიც. ჯერ გარეგნობა, შემდეგ კი მისი პიროვნული თვისებები და შინაგანი სამყარო. მართალია არსებობს მოსაზრება, რომ წყვილი ერთამნეთს სპეციფიური სუნით არჩევსო, მაგრამ ეს ალბათ საზოგადოებას ნაკლებად სჯერა. რა თქმა უნდა, მთავარ როლს გარეგნობა, ხასიათი, შინაგანი სამყარო, ხელშეწყობა, ურთიერთპატივისცემა, ურთიერთგაგება, მატერიალური თვალსაზრისი, ერთმანეთისადმი დამოკიდებულება და ცხოვრების სტილი ასრულებს. ამ ყველაფერს ერთად კი ჰქვია სიყვარული, რომელიც ზოგისთვის აბსტრაქტული, ზოგისთვის არარეალური, ზოგისთვის მხოლოდ მატერიალური, ზოგისთვის კი, უბრალოდ უმშვენიერესი გრძნობაა.
1. აკონტროლეთ საკუთარი გარეგნობა. მერე რა, თუ ქალმა უკვე მილიონჯერ გიხილათ? კარგი იქნება, თუ მეათასე შეხვდერაზეც რაიმე დადებითს აღმოაჩენს ქალბატონი თქვენს გარეგნობაში. ბოლოს და ბოლოს, მაშინ, როცა კარგად გამოიყურებით, თავად ხართ უაღრესად თვითდაჯერებული. ნუ იფიქრებთ იმას, რომ პარტნიორი, მეწყვილე ქალბატონი, რომელთანაც უკვე ხანგრძლივი ურთიერთობა გაკავშირებთ, ვერ ამჩნევს თქვენს გარეგნულ ცვლილებებს. ისინი ყოველივეს ძალიან კარგად ამჩნევენ, უბრალოდ, რიგ შემთხვევაში ამაზე თვალს ხუჭავენ იმ გრძნობის გამო, რომელიც თქვენთან აკავშირებთ.
2. იყავით ზრდილობიანი. რა თქმა უნდა, თქვენ ერთმანეთისთვის სულიერად და, შესაძლოა, ფიზიკურად ახლო ადამიანები ხართ, მაგრამ ეს არ გაძლევთ უფლებას, უპატივცემულობისა და უზრდელობის გამომჟღავნებისა. შეხვედრის დროს აუცილებელია გულთბილად მიესალმოთ. თუნდაც ეს შეხვედრა დილით, სამზარეულოში მოხდეს, თუ თქვენ ასე მოიქცევით მთელი დღე, როგორც თქვენთვის, ასევე თქვენი ქალბატონისთვისაც წარმატებით განვითარდება.
3. მიმართე მას სახელით. „შენ“ – მშვენიერი სიტყვაა. მაგრამ თქვენი მეორე ნახევრის მშობლებმა ტყუილად ხომ არ იფიქრეს თავიანთი შვილისთვის საუკეთესო სახელის შერჩევისას? მოიფიქრე რაიმე კნინობითი სახელი თქვენი მეორე ნახევრისთვის, ოღონდ არა ბანალური, რა თქმა უნდა, ასეთ შემთხვევაში თქვენ ქალს უფრო მეტად გააღიზიანებთ, ვიდრე თავს მოაწონებთ.
4. დაპატიჟე თეატრში ან ოპერაში. ასეთი ნაბიჯი მეტად რომანტიკულია, ქალს შესაძლოა არ იზიდავდეს კლასიკა, მაგრამ დარწმუნებული იყავით, რომ თქვენ მიერ გადადგმული მსგავსი ნაბიჯი, მას თქვენდამი აუცილებლად დადებითად განაწყობს. ეს კი საშუალებას მოგცემთ, ქალს თქვენი ინტელექტისა და განათლების დონე დაანახოთ.
5. რა თქმა უნდა, ყველა მამაკაცს არ შესწევს ძალა, თავისი საკრედიტო ბარათი ქალბატონს დაუტოვოს დილით და უთხრას: „დახარჯე, რამდენიც გინდა, შეიძინე რაც გინდა!“. მაგრამ ამ შემთხვევაშიც კი შეიძლება გამოსავლის მოძებნა, შეგიძლიათ მაღაზიებში თან თქვენი საყვარელი ქალბატონის მეგობარი წაიყვანოთ და შეურჩიოთ მას რაიმე აქსესუარი, ან ტანისამოსი. ეს მადლიერებით აღავსებს ქალს თქვენდამი. ამასთანავე, არავითარ შემთხვევაში არ უთხრათ: „ეს რაღაც საშინლად არ გიხდება“, უბრალოდ თქვით: „მინდა, რომ რაიმე განსაკუთრებული მოირგო“.
6. ხშირად გამოხატეთ საკუთარი გრძნობები. მოიქეცით თავისუფლად და არასდროს ითამაშოთ. ქალი ამას ყოველთვის გრძნობს. ამასთანავე, თუ ქალბატონს თქვენს ახლობლებს წარუდგენთ, დარწმუნებული იყავით, რომ იგი ყველა ვარიანტში უხერხულად იგრძნობს თავს, ამიტომ მასში თვითდაჯერებულობის ასამაღლებლად, უთხრით, რომ იგი ძალიან ლამაზი და შეუდარებელია. თუნდაც ერთხელ წარმოთქმული მსგავსი ფრაზა, საქმეს საკმაოდ გააადვილებს
წყარო: life.mediamall.ge
რჩევები მამაკაცებს: ექვსი ნაბიჯი ქალის გულისაკენ...
⏱️ 1 წთ.
👁️ 4 607
100%