ყველაზე დაბალკალორიული პროდუქტების ათეული - ეს გახდომაში დაგეხმარებათ



დიეტოლოგებმა მეცნიერებთან ერთად შეადგინეს ათი ყველაზე დაბალკალორიული პროდუქტის სია, სიაში შეტანილი სხვადასხვა პროდუქტით შეგიძლიათ ნებისმიერ დროს წაიხემსოთ, თანაც ისე, რომ არც ჯანმრთელობას და არც წონას საფრთხე არ შეუქმნათ.

1.სტაფილო, მასში შემავალ კაროტინს ორგანიზმი იოლად ითვისებს. იცავს თვალს ახლომხედველობის განვითარებისგან. ხელს უწყობს სუფთა კანისა და ბზინვარე თმის შენარჩუნებას.

2. ბანანი სეროტონინის, იმავე ბედნიერების ჰორმონისა და ფოსფორის წყაროა, რაც გონებრივ შრომას ააქტიურებს. თანაც ბანანის არომატი იოლად აცხრობს შიმშილის გრძნობას.

3. ზეთისხილი უხვადაა გაჯერებული ცხიმოვანი მჟავებით, რომლებიც იოლად ''წვავს''ქოლესტერინს. ზეთისხილში შემავალი ნივთიერებები წარმატებით ებრძვის ზედმეტი წონისა და მოდუნებული კანის პრობლემებს.

4. კიტრი თუთიის, პროტეინისა და კალციუმის ოპტიმალური შეთანხმებაა. იდეალური პროდუქტია ჯანმრთელი და მაგარი ფრჩხილების შესანარჩუნებლად.

5. შოკოლადი მასში უხვადაა ანტიოქსიდანტები, რაც, უპირველესად, კაკაოს დამსახურებაა. ეს ნივთიერებები ხელს უწყობს იმუნური სისტემის გაძლიერებას და აუმჯობესებს თავის ტვინის მუშაობას.

6. ჟოლო დიდი რაოდენობით შეიცავს აცეტილსალიცილის მჟავას, იმავე ასპირინს. აქვს ტკივილგამაყუჩებელი თვისება.

7. ღუმელში ''გამომცხვარი'' კარტოფილი შეიცავს ნივთიერებათა ცვლის მომაწესრიგებელ კომპონენტებს, რომლებიც დაბლა სწევენ ქოლესტერინის დონეს და ხელს უწყობენ გახდომას. ის ასევე შეიცავს სპეციალურ ნივთიერებებს, რომლებიც საჭმლის მონელების პროცესს აწესრიგებს.

8. ნუში სასარგებლო ცხიმების, B ვიტამინისა და კალციუმის საბადოა. გარდა ამისა გააჩნია მატონიზებელი თვისება, რის შედეგადაც მთელი დღის განმავლობაში შეინარჩუნებთ სიმხნევეს.

9. ბროკოლი გაჯერებულია მაგნიუმით, რომელიც აწესრიგებს ნერვული სისტემისა და თავის ტვინის მუშაობას. ასე რომ, თუ წინ გამოცდები გელოდებათ, მიირთვით ბროკოლი და ნუ ინერვიულებთ.

10. ერთი ნაჭერი ხორბლის პური და ორაგული ასეთი ბუტერბროდი ნახშირწყლებითა და პროტეინებით მოგამარაგებთ, შესაბამისად, მთელი დღის განმავლობაში მხნედ იქნებით.

წყარო: etanews.ge
































ტექსტის სანახავად გაიარეთ რეგისტრაცია.