ათი წლის ასაკიდან დაწყებული, გოგონები იმაზე ოცნებობენ, რაც შეიძლება სწრაფად გაიზარდონ და დაქალდნენ. ზოგიერთი ჟურნალისა და სარეკლამო რგოლის შინაარსი ამ სურვილს ამძაფრებს. აღმოჩნდა, რომ ასეთი ზემოქმედება მათ ფსიქიკურ განვითარებაზე შეიძლება ძალიან ცუდად აისახოს.
ჟურნალები, რეკლამა, არასწორი პროპაგანდა არწმუნებს გოგონებს იმაში, რომ ისეთი ტანსაცმლის ტარება ჯობს, რომელიც მათ ასაკს მატებს, უფროსებივით უნდა მოიქცნენ, უნდა იყონ სექსუალურები. ეს ბიჭების ყურადღების მიღმა არ რჩება. და ეს ყურადღება გოგონებს კიდევ უფრო გულმოდგინე მცდელობებისკენ უბიძგებს.
არადა ამერიკელი ფსიქოლოგების გამოკვლევამ აჩვენა, რომ: “ბევრი ჟურნალი მოზარდებისთვის, ვებ-გვერდი, სატელევიზიო გადაცემა და გამოცემა გოგონების ფსიქიკას, არც მეტი, არც ნაკლები - ვნებს. ისინი ცვლიან გოგონების წარმოდგენას მორალზე, ურთიერთობებზე, სექსუალურ ცხოვრებაზე და საკუთარ ჯანმრთელობაზე".
ფსიქოლოგები დარწმუნებული არიან, რომ მასობრივ საინფორმაციო საშუალებებზე, რომლებიც მოზარდებს სექსუალური ცხოვრების დაწყების სურვილს მიზანმიმართულად უღვივებს, და მათი გამოუცდელობითა და ცნობისმოყვარეობით რეიტინგის გასაზრდელად სარგებლობს, უმკაცრესი კონტროლი უნდა დაწესდეს. სხვა შემთხვევაში, აღნიშნავენ მკვლევრები, პრობლემები გარდაუვალია, რადგან ბავშვები სულ უფრო ადრე შევლენ მათი ასაკისთის, ფსიქიკისთვის, ჯანმრთელობისთვისა და სწორი მორალურ-ეთიკური აღზრდისთვის დაუშვებელ კონტაქტში...
როგორც მეცნიერები აღნიშნავენ, განსაკუთრებით მწვავედ პრობლემა ბრიტანეთსა და აშშ-ში დგას. თუმცა განცხადებაში აღნიშნული არაა, სხვა რომელ ქვეყნებში მიმდინარეობდა კვლევა. ხსენებულ ქვეყნებში კი მოზარდები სქესობრივ ცხოვრებას ძალიან ადრე იწყებენ, ხოლო ფეხმძიმობის ფაქტები ნორჩ (12-16 წლამდე) გოგონებში ბოლო 15 წლის განმავლობაში საგრძნობლად გაიზარდა.
ერთი სიტყვით, მეცნიერებმა განგაშის ზარებს შემოჰკრეს.
წყარო: eva.ge
სექსუალურობისკენ სწრაფვა გოგონების ფსიქიკას ვნებს
⏱️ 1 წთ.
👁️ 885
100%