ვენების ერთ–ერთი ყველაზე გავრცელებული დაავადება მათი ვარიკოზული გაგანიერებაა. სტატისტიკის მიხედვით, ეს პრობლემა მსოფლიოს მოსახლეობის ნახევარს აწუხებს. რატომ აღარ მუშაობს ვენები და რა არის ამის მიზეზი?
1. ფეხებზე მეტისმეტი დატვირთვა. პირველ რიგში, ეს არის ხანგრძლივად ფეხზე დგომა ან პირიქით, მჯომარე ცხოვრების წესი. განსაკუთრებით მავნეა ფეხის ფეხზე გადადება. ამ დროს მუხლქვეშა ვენები იჭიმება. ხოლო ხანგრძლივად ფეხზე დგომისას მუდამ დაძაბული წვივის კუნთები ვენებს აწვება, რაც ადრე თუ გვიან სისხლის მომატებული წნევის გამო მათ გაფართოებას იწვევს.
2. ჭარბი წონა, დიდი და მუდმივი დატვირთვა ვენებზე.
3. ვიწრო სამოსის ტარება, მაღალი ქუსლები.
4. ნაწლავების მუშაობის დარღვევა. ქრონიკული ყაბზობის გამო მსხვილ ვენებზე ზეწოლა ხდება, რაც პირდაპირი გზაა ვარიკოზისკენ.
5. თამბაქოს მუდმივი მოწევა და სპირტიანი სასმელების ბოროტად გამოყენება სისხლძარღვების ტონუსს ცვლის, მათი ელასტიკურობა ირღვევა.
6. ჰორმონული დარღვევები (ფეხმძიმობა, მენოპაუზა, სქესობრივი მომწიფება).
7. ბრტყელტერფიანობისას ტერფების არტერიები და ვენები მომატებულ დატვირთვას მუდმივად განიცდიან. დროთა განმავლობაში ეს ვენების ვარიკოზულ გაგანიერებას იწვევს.
8. მზეზე ხანგრძლივად ყოფნისას ორგანიზმის გადახურების გამო სისხლძარღვების კედლები სუსტდება და ფართოვდება.
დაავადების სიმპტომები
1. ფეხებზე დაბერილი ვენები და კვანძები ვარიკოზული გაგანიერების ძირითადი სიმპტომებია. მათი გაჩენა იმის მაუწყებელია, რომ დაავადება შორსწასულია. სანამ ვენები შესამჩნევი გახდება, ფეხების მომატებული დაღლა ვლინდება. საღამოს ისეთი შეგრძნება ჩნდება, თითქოს ადამიანმა რამდენიმე კილომეტრი ფეხით გაიარა ან მთელი დღე სპორტით იყო დაკავებული.
2. დაბუჟება, წვივებსა და ტერფის კუნთებში ჩხვლეტები აღმოცენდება. ყველა ეს სიმპტომი აშკარად გამოხატულია დგომის დროს, ნაკლებად – სიარულის დროს, ხოლო დაწოლილ მდგომარეობაში, განსაკუთრებით, თუ ფეხები მაღლა დევს, ქრება.
3. ფეხებში სიმძიმე და ყრუ ტკივილი.
4. დღის ბოლოს ფეხები შეშუპებულია.
5. ზოგჯერ ღამით ფეხებში ძლიერი ქავილი აღმოცენდება, თუმცა კანი სუფთაა, არავითარი გამონაყარი. ნაკუთალის კუნთებსა და თითებში კრუნჩხვები ვლინდება.
6. ფრჩხილების მდგომარეობა უარესდება. მტვრევადი ან პირიქით, არაბუნებრივად სქელი ხდება.
7. ფეხის კანზე ძარღვების იასამნისფერი ბადე ჩანს, რომელიც შეხებისას მტკივნეულია.
8. ფეხის ცალკეულ ნაწილებში კანის ფერი იცვლება, წაბლისფერი პიგმენტური ლაქები ჩნდება.
10 ყველაზე სასარგებლო პროდუქტი
ვარიკოზის მკურნალობაში წარმატების საწინდარია სწორი კვება. გამორიცხეთ სისხლძარღვებისთვის მავნე მარინადები, ნახევარფაბრიკატები, ცხიმიანი ხორცი, ფასტ ფუდები.
ვარიკოზის დროს განსაკუთრებით სასარგებლოა შემდეგი პროდუქტები:
1. ზღვის თევზი. მათში ბევრი ცხიმმჟავაა, რომლებიც სისხლძარღვების კედლების მდგომარეობას აუმჯობესებს და თრომბის წარმოქმნას აბრკოლებენ.
2. C ვიტამინითა და ორგანული მჟავებით მდიდარი კომბოსტოს მწნილი სისხლძარღვების ტონუსზე სასიკეთოდ მოქმედებს.
3. წიწიბურა რუტინის წყალობით სისხლძარღვების კედლებს ამაგრებს.
4. კოჭა თრომბის წარმოქმნის რისკს ამცირებს.
5. წითელი მოცხარი (ასევე ალუბალი) სისხლის მწებვარობას აქვეითებს.
6. ზღვის კომბოსტო სასიკეთოდ მოქმედებს ნაწლავებზე, ყაბზობის (ვარიკოზის დაავადებას აღრმავებს) აღმოცენებას აფერხებს.
7. ქაცვს, რომელიც ბევრ რუტინსა და ს ვიტამინს შეიცავს, ანთების საწინააღმდეგო მოქმედება აქვს.
8. მცენარეული ზეთი, განსაკუთრებით სელის, ვენებისთვის სასარგებლო ცხიმმჟავებისა და ვიტამინების წყაროა.
9. ბრინჯი (მუქი ფერის) ორგანიზმიდან ტოქსინების გამოდევნის ერთ–ერთი საუკეთესო საშუალებაა. მასში ყველა სასარგებლო ვიტამინი და მიკროელემენტი დაცულია.
10. ანტიმჟანგავებით მდიდარი მწვანე ჩაი ვენების კედლების ანთებას თავიდან აგაცილებთ.
ვარიკოზის მკურნალობის ხალხური საშუალებები
350 გრამი თაფლი და 250 გრამი გახეხილი ნიორი აურიეთ. ნარევი თბილ, ბნელ ადგილას 5 დღე დადგით. დღეში 3–ჯერ, ჭამამდე ნახევარი საათით ადრე მიიღეთ. მკურნალობის ერთი კურსისთვის ნარევი სამჯერ მოამზადეთ.
თანაბარი რაოდენობით აურიეთ 0,5 ჭიქა ახალგამოწურული ჭარხლის, სტაფილოს, ერთი ლიმონის წვენი და 1 ჭიქა თხევადი თაფლი დაუმატეთ. ნარევი მინის ჭურჭელში გადაიტანეთ და მაცივარში შეინახეთ. 1 სუფრის კოვზი დღეში 3–ჯერ მიიღეთ.
10 გრამ წაბლის გამხმარი ყვავილების ფხვნილს ან დაქუცმაცებულ ნაყოფს (მაგარი კანის გარეშე) 100 მლ არაყი დაასხით და ბნელ ადგილას ერთი კვირა დადგით, პერიოდულად შეანჯღრიეთ. გაწურეთ და 30 წვეთი დღეში 3–ჯერ, ჭამის წინ მიიღეთ, წყალი დააყოლეთ.
200 გრამ წვრილად გახეხილ ჯავზს 1 ლიტრი არაყი დაასხით, ერთი კვირა დადგით. 20 მლ დღეში 3–ჯერ მიიღეთ. კურსი 1 თვე.
1 სუფრის კოვზი სვიის გირჩები დააქუცმაცეთ, 1 ლიტრი მდუღარე დაასხით და წყლის აბაზანაზე 15 წუთი გააცხელეთ. გააგრილეთ. თბილ ნახარშში მარლა დაასველეთ და ფეხზე შემოიხვიეთ – შეშუპებას აქრობს.
წაბლის ქორფა ნაყოფი ფაფად აქციეთ. წყლის აბაზანაზე ღორის მუცლის ქონი (შეგიძლიათ მცენარეული ზეთი გამოიყენოთ) დაადნეთ და წაბლის პასტა კარგად აურიეთ. მინის ჭურჭელში გადაიტანეთ, მაცივარში შეინახეთ. მიღებული მაზი ფეხებზე წაისვით (წინასწარ შეათბეთ).
წყარო: sana.ge
10 პროდუქტი ვენების ჯანმრთელობისთვის
⏱️ 1 წთ.
👁️ 6 576
100%