ერთ დღესაც, ის საშველად ბებიას ესტუმრა. მოხუცი ჭკვიანი და ძლიერი ქალი იყო. მან სამი ქვაბი გაავსო წყლით და ისინი მაღალ ცეცხლზე დადგა. მალევე, სამივე ადუღდა. ერთ ქვაბში სტაფილოები, მეორეში კვერცხი, მესამეში კი ყავის მარცვლები ჩაყარა.
ის იჯდა, ხმას არ იღებდა და უყურებდა, როგორ დუღდა წყალი. 20 წუთის შემდეგ, მან გაზქურა გამორთო. მან ამოიღო საკვები პროდუქტები და ერთმანეთის გვერდით, თეფშზე დაალაგა. მიუბრუნდა შვილიშვილს და ჰკითხა, „რას ხედავ?“
„სტაფილოს, კვერცხსა და ყავას.“ – უპასუხა ახალგაზრდა ქალმა.
ბებიამ მას სთხოვა, შეხებოდა სტაფილოს. მან შეამჩნია, რომ ბოსტნეული დარბილებულიყო. ასევე, გაეფცქვნა კვერცხი, რის შემდეგაც, ნახეს, რომ შიგთავსი მაგრად მოხარშული იყო. შემდეგ კი, მოესვა ყავა. შვილიშვილს უყვარდა ყავა და მისი არომატით ტკბობა დაიწყო, ცოტა ხნის შემდეგ კი ბებიას ჰკითხა: „რას ნიშნავს ეს ყველაფერი, ბებია?“
მოხუცმა ბრძენმა ქალბატონმა დაიწყო საუბარი იმის შესახებ, თუ როგორ შეხვდა სამივე ინგრედიენტი გაჭირვებას: ადუღებულ წყალს და სამივე მათგანი როგორ განსხვავებულად შეხვდა ამ მდგომარეობას. მოხარშვამდე სტაფილო მაგარი იყო, მაგრამ ახლა, დასუსტებულიყო. კვერცხი ნაზი იყო, მაგრამ ცხელ წყალში მოხვედრის შემდეგ, გამაგრებულიყო. ბოლოს კი, მან ხაზი გაუსვა, როგორი უნიკალური იყო ყავის მარცვლები. განსაცდელში მოხვედრის შემდეგ, არა მხოლოდ ისინი შეიცვალნენ, არამედ წყალიც შეცვალეს.
„შენ რომელი მათგანი ხარ?“ – ბოლოს იკითხა ბებიამ. – „როდესაც გასაჭირი კარს მოგადგება, როგორია შენი პასუხი?“
„სტაფილო ხომ არ ხარ, რომელიც, თითქოს, ძლიერი ჩანს, მაგრამ ტკივილისა და ცხელი წყლის შემდეგ, სუსტდება?
ან, იქნებ, კვერცხი ხარ, რომლის თხევადი შიგთავსი, მოხარშვის შემდეგ, მაგრდება?
იქნებ, ყავის მარცვალი ხარ? ის არა მხოლოდ თავად ტრანსფორმირდება, არამედ გარდაქმნის კიდეც წყალს, ტკივილის მომნიჭებელ მთავარ მიზეზს. წყლის ადუღების შემდეგ, ყავა მთელ მის არომატსა და სურნელებას აფრქვევს. როდესაც ყველაფერი ცუდად მიდის, ყავა მის გარშემო არსებულ სიტუაციას ცვლის.“
როდესაც ცხოვრება თავზე გენგრევა, ადიხარ თუ არა შემდეგ საფეხურზე?
aww.ge