გარკვეული დროის განმავლობაში თქვენ ერთად ბედნიერები იყავით, მაგრამ ახლა ყველაფერი შეიცვალა. თქვენ ყველაფრის გარკვევა გსურთ, მაგრამ ის ინერტულია და არაფერს აკეთებს ურთიერთობის გადასარჩენად. მაშინ რატომ არ გშორდებათ? მხოლოდ იმიტომ რომ არ სურს მარტო დარჩენა? აი, როგორ უნდა გაიგოთ, რომ მას უბრალოდ აშინებს დაშორება:
1. ის გეუბნებათ, რომ არ სურს გული გატკინოთ.
თუ გეუბნებათ რაიმე მსგავსს ,,შენ ისეთი კარგი ხარ, ყოველივე საუკეთესოს იმსახურებ“, ,,არ მინდა გული გატკინო“, ეს უცნაურია. ისეთი შეგრძნებაა, თითქოს მას ებრალებით, ვიდრე უყვარხართ. შესაძლოა, წავიდოდა კიდეც თქვენგან, მაგრამ თავს დამნაშავედ იგრძნობს თუ გულს გაგიტეხთ.
2. ის მიგანიშნებთ მომავალზე, რომელიც შეიძლება გქონდეთ.
ღირს დაფიქრება, თუ ის გელაპარაკებათ თქვენს მომავალზე მის გარეშე. მაგალითად: ,,ასეთი ბიჭი შეგეფერება“, ან როცა ამბობ, რომ მოგწონს რომელიმე ქალაქი: ,,შენთვის უკეთესი იქნება თუ იქ გადახვალ“. ის თითქოს იმედოვნებს, რომ მიხვდები მინიშნებას და თავად წახვალ მისგან.
3. კამათის ინიციატორია.
ხშირად უმიზეზოდ. ეს გამაღიზიანებელი და ბავშვური საქციელია, თუმცა ერთგვარი ხერხია გაიძულოთ მისი მიტოვება, რადგან თავად ეშინია ამის გაკეთება.
4. ის დიდხანს იყო მარტო.
სანამ თქვენ შეგხვდებოდათ, ის დიდხანს იყო მარტო, და თქვენთანაც ბევრჯერ უწუწუნია რა ცუდად გრძნობდა თავს. ზოგჯერ ფიქრობ, რომ ნებისმიერ ურთიერთობაზეა თანახმა, ოღონდ კვლავ მარტო არ იყოს.
5. მას არ უყვარს ცვლილებები.
ის ყველანაირად გაურბის ცვლილებებს, კარგსაც კი: არ მოდის ცუდი სამსახურიდან, მას ყველაფერი ახალი და უცხო აშინებს, მაშინაც კი თუ ძალიან არ მოსწონს.
6. მას არ სურს კონფლიქტის მოგვარება.
როცა იწყებ კამათს, ის სწრაფად ცვლის თემას ან ცდილობს კამათიდან გაქცევას, ისე რომ პრობლემა გადაუჭრელი რჩება. ჩანს, რომ მას უბრალოდ არ სურს ძალისხმევა ურთიერთობისთვის.
7. ის არ გითვალისწინებთ, მნიშვნელოვან ცხოვრებისეულ გადაწყვეტილებებში.
როცა ფიქრობს სამსახურის შეცვლას ან სხვა ქალაქში გადასვლას, არ გეკითხებათ რჩევას. შესაძლოა, პირველადაც კი გაიგო ამის შესახებ, როცა მეგობართან ილაპარაკებს. ნათელია, რომ ის ქმნის თავის მომავალს თქვენ გარეშე.
8. ის მაშინ გითმობთ ყურადღებას, როცა თქვენგან სიცივეს გრძნობს.
დიახ, მას შესაძლოა ისე აშინებდეს დაშორება, ზემოთ ჩამოთვლილი მიზეზების გამო, რომ როცა შენ თვითონ გადაწყვეტ დაშორებას, სწორედ მაშინ დაიწყებს თქვენთვის ყურადღების მოქცევას.
9. ვერ ხვდები რას გრძნობს.
ის ხან ბედნიერია თქვენთან, ხან მოწყენილი. როცა ადამიანს თქვენთან დაშორება სურს, მაგრამ არ შეუძლია ამის გაკეთება, საპირისპირო ემოციებს განიცდის, რაც შესამჩნევია.
თაკო ცილიკიშვილი
Interpreter - Tako Tsilikishvili
წყარო: www.Lady.Mcvane.Ge
მასალის გამოყენების პირობები: აუცილებელია წყაროს მითითება!!!
ნიშნები იმისა, რომ მას თქვენთან დაშორება სურს, მაგრამ ეშინია...
⏱️ 1 წთ.
👁️ 547
100%