სიყვარულსა და პერსპექტივებში ეჭვის შეტანა - ნორმალურია. მაგრამ თუ ზურგს უკან განქორწინება გაქვს, და გინდა ახალი სიყვარულის პოვნა, უნდა დარწმუნდე, რომ საკითხს სწორად უდგები.
წარუმატებელი ურთიერთობის გამო, ზოგიერთ ჩვენგანს შეიძლება ნდობასთან, თვითშეფასებასთან და სხვ. დაკავშირებული პრობლემები გაუჩნდეს; ამიტომაც მნიშვნელოვანია მათთან გამკლავება, რომ ამჯერად სიყვარულში გაგიმართლოთ.
აი, როგორ უშლით ხელს საკუთარ თავს, დაშორების შემდეგ, ახალი სიყვარულის პოვნაში:
1. ყოფილთან არ გაქვს მკვეთრი საზღვრები
მართალია დაშორდით, მაგრამ თქვენ შორის ბუნდოვანი საზღვარია. თქვენ მონაწილეობთ ერთმანეთის ცხოვრებაში, შესაძლოა, ზედმეტადაც კი: კვლავ აგრძელებთ კამათს, ან გაქვთ ფიზიკური სიახლოვე. ასეთი ემოციური კავშირი ყოფილთან ხელს გიშლის ვინმე ახლის პოვნაში.
2. ნებისმიერთან ურთიერთობაზე ხარ თანახმა
ნებისმიერთან ურთიერთობაზე ხარ თანახმა, იმიტომ რომ გეშინია მარტო დარჩენის, ასე შენ კვლავ ტოქსიკურ ურთიერთობაში ამოყოფ თავს. ეს უიღბლობა არაა. უბრალოდ, იმის მაგივრად, რომ იყო მომთმენი, დაკვირვებული და წინდახედული, აიგნორებ ყველა საგანგაშო ნიშანს და იწყებ იმათთან ურთიერთობას, ვინც შენი ღირსი არაა.
3. სხვა ადამიანს აკისრებ შენი გაბედნიერების პასუხისმგებლობას
იმის ნაცვლად, რომ თავად იცხოვრო ბედნიერი ცხოვრებით და შემდეგ მოიპატიჟო სხვა ადამიანი, შენ ეძებ იმას, ვინც შენს ცხოვრებას ღირებულს გახდის. ეს ძალიან დიდი პრობლემაა. არავის შეუძლია გაგაბედნიეროს, საკუთარი თავის გარდა. თუ მარტო უბედური ხარ, მაშინ ვინც არ უნდა შეგხვდეს, ვერ იქნები ნამდვილად ბედნიერი ( რადგან, როგორც მინიმუმ, იმაზე ინერვიულებ, რომ შესაძლოა-მიგატოვონ).
4. შენ ჯერ ვერ გაუმკლავდი დაშორებას და სულ მასზე ლაპარაკობ
შენი სულიერი ჭრილობები ჯერ ისევ ახალია, თუმცა, შესაძლოა, უკვე რამდენიმე წელი გავიდა. თავს ვერაფერს უხერხებ. მოჩვენებასთან ცხოვრობ. არავინ მოისურვებს შენთან ურთიერთობას, მოჩვენებათა სამყაროში, სადაც შენ წარსულს ვერ ელევი.
5. ნეგატიურად ხარ განწყობილი
ფიქრობ, რომ ვერასდროს შეხვდები. კარგი კაცები უკვე აღარ არიან. ყველა გღალატობს. ბლა-ბლა-ბლა. შენი ნეგატიური განწყობა დევნის იმ კარგ მამაკაცებს, რომლებიც ჯერ კიდევ არსებობენ. ყოველთვის მოელი უარესს და შესაბამისად, იზიდავ უარესს.
6. გგონია, რომ ყველა მამაკაცი ისეთივეა, როგორიც შენი ყოფილი
ფიქრობ, რომ ისინი ყველანი ერთნაირები არიან, არ ხარ დარწმუნებული საკუთარ თავსა და ურთიერთობაში, მუდამ ეჭვობ, რომ ის გიღალატებს. მაგრამ ეს ასე არ არის. თუ შენ ისევ ძველ ჭრილობებს იშუშებ, უნდა განიკურნო, სანამ ვიღაც ახალს მისცემ შანსს.
7. ხვდები ერთსა და იმავე ტიპაჟს
თუ, მაგალითად, დაქორწინებული იყავი ნარცისზე, აგრძელებ ნარცისთან ურთიერთობას. აგრძელებ ერთი და იმავე ალგორითმით მოქმედებას, ირჩევ რა მსგავს ადამიანებს. პრობლემა შენშია და სანამ არ გამოასწორებ, მანამდე მიიზიდავ მსგავს ტიპაჟებს.
8. დაბალი თვითშეფასება გაქვს
არ იცი შენი თავის ფასი. არ გწამს საკუთარი თავის. არ გჯერა, რომ ვინმე შეგიყვარებს. და ეს ასეც იქნება, მანამ სანამ, არ უჩვენებ ვინმეს რატომ უნდა შეუყვარდე, რადგან შენ თვითონ არ გიყვარს საკუთარი თავი.
9. არ იბრძვი
გეშინია. პოულობ იმის გამართლებას, თუ რატომ ვერ ხვდები ვერავის, მაშინ როცა, სინამდვილეში, გეშინია, რომ კვლავ გულს გატკენენ; და მანამდე ვერ იპოვი ახალ სიყვარულს სანამ ამ შიშს ბოლოს არ მოუღებ.
თაკო ცილიკიშვილი
Interpreter - Tako Tsilikishvili
წყარო: www.Lady.Mcvane.Ge
მასალის გამოყენების პირობები: აუცილებელია წყაროს მითითება!!!