სახლის პირობებში დამზადებული გასახდომი სკრაბები



ცელულიტის წინააღმდეგ ბრძოლაში შესანიშნავად დაგეხმარებათ სახლის პირობებში სხვადასხვა პროდუქტისგან მომზადებული სკრაბები. ამასთნ ასეთი სკრაბი მოგანიჭებთ უდიდეს ნეტარებასა და სასაიმოვნო არომატსაც. სკრაბების გამოყენება ყოველდღე რეკომენდირებული არ არის, თქვენი პრობლემური ადგილების გაჯანსაღებისთვის კვირაში 1 ან 3 დღეც საკმარისია.

შვრიის სკრაბი

სკრაბის მოსამზადებლად 100 გრამ შვრიის ფანტელს (ჰერკულესი) დაასხით 1 ს.კ. მდუღარე წყალი, შეურიეთ 1 ს.კ. ზღვის მარილი და დაუმატეთ 50 მლ ცხელი რძე. ყველაფერი კარგად აურიეთ და სხეულზე მასირებული მოძრაობებით წაისვით. ჩამოიბანეთ თბილი წყლით.

კიტრის სკრაბი

კიტრის სკრაბის მოსამზადებლად დაგჭირდებათ: 2 დიდი კიტრი, 4 ს.კ. დაფქული (ნალექიანი) ყავა, 4 ს.კ. კარტოფილის სახამებელი. სახეხზე გახეხეთ კიტრი და დაუმატეთ ყავა და სახამებელი. კარგად აურიეთ და სხეულზე დაიტანეთ მასირებული მოძრაობებით, დაიბანეთ თბილი წყლით.

ყავის სკრაბი

ყავის სკრაბი შესანიშნავად ებრძვის ცელულიტის ნებისმიერ გამოვლინებას. ამასთანავე ყავის სკრაბის გამოყენების შემდეგ კანი შეიძენს რუჯის ლამაზ ელფერს. 1 სუფრის კოვზს ყავას შეურიეთ 2 ს.კ. არაჟანი და ტანზე კარგად წაისვით.

თაფლის სკრაბი

თაფლის სკრაბი დაგეხმარებათ მოიწესრიგოთ სისხლის მიმოქცევა. ამასთანავე ის ორგანიზმიდან ზედემტ სითხესაც გამოდევნის. ამის გარდა, თაფლის სკრაბის გამოყენების შემდეგ თქვენი კანი ახალშობილის კანივით ნაზი და სათუთი გახდება.

2 ს.კ. ცისფერ თიხას შეურიეთ 3 ს.კ. ზღვის მარილი, 2 ს.კ. მშრალი რძე, 1 ს.კ. თაფლი და ჟოჟობას ზეთის 5 წვეთი. ნარევი სხეულზე დაიტანეთ მასაჟური მოძრაობებით და შემდეგ ჩამოიბანეთ თბილი წყლით.

ზღვის მარილის სკრაბი

ამ სკრაბის მოსამზადებლად დაგჭირდებათ ნახევარი გრეიფრუტი, 5 ს.კ. ზღვის მარილი და 1 ჩ.კ. ზეითუნის ზეთი.

ნახევარი გრეიფრუტის წვენს შეურიეთ ზღვის მარილი და ზეითუნის ზეთი. ნარევს დაახეხეთ გრეიფრუტის კანი და კარგად აურიეთ. სკრაბი სხეულზე დაიტანეთ მასაჟური მოძრაობებით და ჩამოიბანეთ თბილი წყლით.

mtavari.info

































ტექსტის სანახავად გაიარეთ რეგისტრაცია.