ნატურალური და ეფექტური ტანის სკრაბი



დღესდღეობით მზა ტანის სკრაბების და პილინგების მრავალრიცხოვანი და მრავალფეროვანი არჩევანია, თუმცა სახლში საკუთარი ხელით მომზადებული სკრაბი გაცილებით ეფექტური, ნატურალური და იაფია. ტანის სკრაბი, გარდა იმისა, რომ გაცილებთ მკვდარ უჯრედებს, კანს ატენიანებს, ხსნის ფორებს და სისხლის მიმოქცევასაც უწყობს ხელს. სკრაბის გამოყენება რეკომენდირებულია კვირაში 2-3 ჯერ აბაზანის მიღების შემდეგ. წრიული მოძრაობებით შეიზილეთ მთელ სხეულზე და თბილი წყლით ჩამოიბანეთ. გთავაზობთ სახლის პირობებში მარტივად მოსამზადებელ და ნატურალური ტანის სკრაბის რეცეპტს. თქვენ დაგჭირდებათ:

1. ერთი ფინჯანი შაქარი (200-220გ)

2. ნახევარი ფინჯანი ზეითუნის ზეთი. (თუ გაქვთ უკეთესია ქოქოსის ზეთი, რომელსაც კანის საოცარი დამარბილებელი ეფექტი აქვს)

3. ერთი ჩაის კოვზი ექსტრაქტი ნებისმიერი ჩამოთვლილთაგან – ფორთოხალი, ქოქოსი, მარწყვი ან ლიმონი. (შეგიძლიათ გამოწუროთ ან გახეხოთ)

4. ზღვის მარილი

შაქარი და ზეითუნის ზეთი თასში კარგად აურიეთ, სანამ ერთგვაროვან კონსისტენციას არ მიიღებთ. სურვილის და არომატის მიხედვით ჩამონათვალი პროდუქტებიდან ერთ-ერთი დაამატეთ. ისევ აურიეთ და მოაყარეთ 3-4 ჩაის კოვზი ზღვის მარილი, რომელიც ხელს უწყობს კანის სტრუქტურის აღდგენა-გაახალგაზრდავებას და ასევე დადებითად მოქმედებს კანის ტონუსზე.

მიღებული მასა გადმოიტანეთ მინის ქილაში და ლამაზად გააფორმეთ.

იხილეთ ვიდეო:



წყარო: feme.ge
































ტექსტის სანახავად გაიარეთ რეგისტრაცია.