მტვრევადი მშრალი თმა, გაყოფილი თმის ღერები – ეს მხოლოდ პრობლემების მცირე ჩამონათვალია, რომელსაც ქალები ხშირად აწყდებიან. პრობლემების მოგვარებაში დაგეხმარებათ თმის ნიღბები, რომელთა ეფექტურობაში ძალიან მალე დარწმუნდებით.
მარწყვისა და მაიონეზის თმის ნიღაბი
მარწყვი საოცარი კენკროვანი ხილია. ის იცავს თმის კანის უჯრედულ მემბრანებს, ხოლო მაიონეზი ჯანსაღი ცხიმების წყაროს წარმოადგენს.
ინგრედიენტები:
მარწყვის 8 ნაყოფი;
2 სუფრის კოვზი მაიონეზი;
მომზადების წესი:
მარწყვი დაჭყლიტეთ ისე, რომ მიიღოთ ფაფისებური მასა და შეურიეთ მაიონეზი. ნარევი დაიტანეთ სველ თმაზე და გაიჩერეთ 15 წუთით. შემდეგ ჩამოიბანეთ თბილი წყლით.
ბანანის ნიღაბი
ბანანი უხვად შეიცავს ვიტამინებს, ანტიოქსიდანტებსა და კალიუმს, რაც მას მშრალი თმისთვის იდეალურს ხდის. ბანანი დაგეხმარებათ გაიმაგროთ თმის ფოლიკულები და თმას დაუბრუნოთ სიჯანსაღე და ბზინვარება.
ინგრედიენტები:
1 ბანანი;
1/4 ჭიქა თაფლი;
1/2 ჭიქა იოგურტი;
მომზადების წესი:
ბანანის პიურეს დაუმატეთ თაფლი და იოგურტი, ყველა ინგრედიენტი კარგად აურიეთ. მომზადებული ნიღაბი დაიტანეთ თმაზე, გაიჩერეთ 15-30 წუთით, შემდეგ კარგად ჩამოიბანეთ.
ზეითუნის ზეთის ნიღაბი
თმისთვის ზეითუნის ზეთს უძველესი დროიდან იყენებდნენ. ის შეიცავს Е და А ვიტამინებს, სასარგებლო ცხიმებს. ის იდეალურია გაყოფილი ბოლოების წინააღმდეგ.
ინგრედიენტები:
2 სუფრის კოვზი ზეითუნის ზეთი;
1 სუფრის კოვზი ძმარი;
1 კვერცხი;
მომზადების წესი:
ყველა ინგრედინეტი ერთდ ათქვიფეთ. ნარევი დაიტანეთ თმაზე და გაიჩერეთ 20 წუთით. შემდეგ ჩამოიბანეთ თბილი წყლით შამპუნთან ერთად.
galanews.ge
თმის ეფექტური ნიღბები
⏱️ 1 წთ.
👁️ 3 142
100%