ამბობენ, რომ ამ ნიღბის ეფექტი ჯადოსნურია – თმა ერთი თვის განმავლობაში 3-4 სანტიმეტრით იზრდება.
1. ნიღაბი თმის სწრაფი ზრდისთვის
ინგრედიენტები:
- 1 სუფრის კოვზი დიმეკსიდი
- 3 სუფრის კოვზი ქაცვის ზეთი
შეათბეთ ზეთი, დაუმატეთ დიმეკსიდი, წაისვით თმაზე, კარგად შეიზილეთ ძირებსა და თავის კანში. გაიჩერეთ 2 საათი თბილად შეფუთული პირსახოცით. შემდეგ ჩამოიბანეთ. ქაცვის ზეთი ნამდვილი ბალზამია გაღიავებული და დაზიანებული თმისთვის – ის ეფექტურად აღადგენს თმის დაზიანებულ სტრუქტურას.
2. არაჟნის ნიღაბი გაყოფილი ბოლოების აღსადგენად
ინგრედიენტები:
- 100 გრ არაჟანი
- 1 სუფრის კოვზი ზეთი (სასურველია ზეითუნის)
მოსახერხებელ ჭურჭელში აურიეთ არაჟანი და ერთი სუფრის კოვზი ზეთი. თუ ზეითუნის ზეთი არ გაქვთ, გამოდგება ჩვეულებრივიც. აურიეთ ორივე ინგრედიენტი და შეიზილეთ თმაში, განსაკუთრებით - ბოლოებში. გაიჩერეთ ერთი საათი და ჩამოიბანეთ.
3. ნიღაბი თმის ცვენის შესაჩერებლად
ინგრედიენტები:
- 1 კვერცხის გული
- 1 სუფრის კოვზი თაფლი
- 1 სუფრის კოვზი ზეითუნის ან ნებისმიერი ზეთი
- 1 ჩაის კოვზი ლიმონის წვენი
- 1 სუფრის კოვზი იოგურტი ან კეფირი, შეიძლება მაიონეზიც
- 1 სუფრის კოვზი თმის ნებისმიერი კოსმეტიკური ნიღაბი
- 1 კბილი ნიორი (გაჭყლეტილი ან გახეხილი). შეგიძლიათ ჩაანაცვლოთ ხახვის წვენით ან გამოიყენოთ ორივე.
თუნდაც ერთჯერადად გაკეთებული ეს ნიღაბი საოცარ ეფექტს იძლევა! მაგრამ საუკეთესო იქნება, თუ კვირაში ერთხელ მოახერხებთ და გაიკეთებთ ხოლმე. ძალიან ხშირი ცვენისას შეგიძლიათ გაიკეთოთ 2-3-ჯერაც კვირაში.
მითითება:
თუ თმა მხრებამდე გაქვთ – შეამცირეთ რაოდენობა 2-ჯერ (გარდა კვერცხის გულისა).
წყარო: presa.ge
თმის აღმდგენი ნიღბები 100%-იანი ეფექტით, ტრიქოლოგის რჩევით!
⏱️ 1 წთ.
👁️ 24 384
100%