სანამ პრინც უილიამისა და კეიტ მიდლტონის სამეფო ქორწილი შედგებოდა, აგორდა ჭორი, რომ მომავალი პრინცესა და მისი დედა გახდომას ცდილობდნენ. მათ დუკანის დიეტას მიმართეს (ამბობენ, ჟიზელ ბიუნდჰენმა და ჯენიფერ ლოპესმაც გამოსცადეს ეს დიეტა).
დიეტა ფრანგმა ექიმმა პიერ დუკანმა შექმნა. ვნახოთ, რა გვჭირდება იმისათვის, რომ ფორმაში ჩავდგეთ:
პირველი ნაბიჯი - შეტევის ფაზა
პირველი ნაბიჯი მენიუდან ნახშირწყლების სრული ამოღებაა. უნდა მივიღოთ რაც შეიძლება მეტი პროტეინი - კვერცხი, თევზი, ხორცი, ზღვის პროდუქტები. დუკანი ამბობს, რომ ეს ძალიან მარტივია, რადგან პროტეინი გვანაყრებს და შიმშილის გრძნობა აღარ გვაწუხებს. ეს ფაზა 2-დან 7 დღემდე გრძელდება (დამოკიდებულია იმაზე, რამდენი კილოგრამის დაკლება გსურთ).
მეორე ნაბიჯი - მგზავრობის ფაზა
ამ ეტაპზე პროტეინები ნაწილობრივ უნდა ჩავანაცვლოთ მწვანე ბოსტნეულით. არჩევანი თქვენზეა, მიირთვით რომელი ბოსტნეულიც გინდათ და რა რაოდენობითაც გსურთ, მაგრამ აუცილებლად მიიღეთ პროტეინებიც. ამ ფაზაზე იმდენ ხანს გაჩერდით, რომ სასურველ წონას მიაღწიოთ.
მესამე ნაბიჯი - შენარჩუნების ფაზა
ამ ეტაპზე რაციონში ამატებთ პურს, ერთ ულუფა ხილსა და ყველს. კვირაში ორჯერ კი შეგიძლიათ სადღესასწაულო სადილი მოაწყოთ და ნახშირწყლები მიიღოთ. ამ ეტაპზე რაც შეიძლება დიდხანს უნდა გაჩერდეთ, რათა ორგანიზმი შეეგუოს დაკარგულ კილოგრამებს და არ დაიწყოს სწრაფი მატება.
მეოთხე ნაბიჯი - მუდმივი სტაბილიზაცია
უბრუნდებით ჩვეულებრივი კვების რეჟიმს, არანაირი შეზღუდვა კვებაში. ერთადერთი, რაც უნდა გააკეთოთ, კვირაში ერთი დღე შეტევის ფაზაზე გადახვიდეთ და მიირთვათ მხოლოდ პროტეინები - კვერცხი, ხორცი, თევზი და ა.შ.
წყარო: etanews.ge
დუკანის პოპულარული დიეტა, რომელიც ქეით მიდლტონმა ქორწილამდე დაიცვა
⏱️ 1 წთ.
👁️ 9 472
100%