დღეს ყველა მეცნიერება არსებით ცვლილებებს განიცდის და, რა თქმა უნდა, ამ ტენდენციას გვერდი არც ფსიქოლოგიის აუვლია. სულის მკურნალ ექიმებს სულ უფრო მეტი ადამიანი მიმართავს და ამას თავისი ლოგიკური ახსნაც აქვს.
სწრაფად განვითარებადი საზოგადოება პროგრესის ისეთი ნაყოფთან ერთად, როგორიცაა ინტერნეტი, მობილური კავშირები, კომპიუტერები და ბევრი სხვა, უამრავი სტრესულ სიტუაციასაც იღებს, რომელთანაც დამოუკიდებლად ბრძოლის აღარც ძალა აქვს და არც სურვილი.
ერთი და იმავე რჩევით ყველას ვერ უშველი, ამიტომ არის ალბათ, ფსიქოლოგები ახალ-ახალ სულის მარგებელ და დამამშვიდებელ მეთოდს რომ ეძებენ. ერთი მიმართულება, რომელსაც მათ მიაკვლიეს, არის ყვავილოვანი ფსიქოლოგია. ამბობენ, ამ სიახლეს უამრავი უპირატესობა აქვს და ბევრ დადებით შედეგს იძლევაო.
ყვავილოვანი ფსიქოლოგია აღმოსავლეთიდან მოვიდა. ბოლო წლებში იაპონელები აგრესიისკენ მიდრეკილი პაციენტების ჯგუფებზე ატარებდნენ ექსპერიმენტებს.
ერთი წლის მანძილზე მრისხანებისა და არამოტივირებული გაღიზიანების აფეთქებისას მათ საკურაზე დაკვირვებას სთავაზობდნენ. საინტერესო ის არის, რომ ამ, მსოფლიოში ერთ-ერთი ყველაზე ლამაზი, მცენარის ჭვრეტამ დამაკმაყოფილებელი შედეგი აჩვენა. პაციენტების პულსი თანაბარი ხდებოდა, მრისხანება ქრებოდა, გულისცემა თანაბრდებოდა.
იაპონელებმა ეს იმის ნიშნად მიიღეს, რომ მცენარეებს ცუდ განწყობასთან, აგრესიის შეტევებთან და გაღიზიანებასთან ბრძოლა შეუძლიათ და განაცხადეს: თუ მიღებულ შედეგებს ის ფაქტორი დაემატება, რომ ასეთ მკურნალობაზე ყველა პაციენტი უყოყმანოდ თანხმდება, ეს ფსიქოლოგიაში ნამდვილ რევოლუციას მოახდენსო.
მსოფლიოში დღეს ყვავილოვანი თერაპიის სპეციალიზაციით რამდენიმე ცენტრია. თუმცა ფსიქოლოგთან წასვლა აუცილებელი არ არის იმისთვის, ლამაზი მცენარეებისგან სიმშვიდე რომ მიიღოთ.
როგორ უნდა გამოვიყენოთ ყვავილოვანი ფსიქოლოგია საშინაო პირობებში? გავეცნოთ ფიზიკურ და მორალურ მდგომარეობაზე ყვავილების დადებითი ზემოქმედების რამდენიმე მაგალითს:
ყვავილების დედოფალი – ვარდი, სიმშვიდის შეგრძებას ბადებს და ხასიათს გამოაკეთებს. აუცილებლად ცოცხალი და ახალგაშლილი უნდა იყოს, თუ ისეთ მდგომარობაშია, რომ ჭკნობას იწყებს, დეპრესიას კიდევ უფრო აღრმავებს და განწყობასაც აუარესებს.
მინდვრის ყვავილებს თავის ტკივილისა და უძილობისგან შეუძლიათ განკურნება. მათი მსუბუქი არომატიც ადამიანის სულიერ მღელვარებას ანეიტრალებს.
მოუსვენარი შვილების დედას დააინტერესებს, რომ ბავშვურ ფსიქიკაზე კეთილისმყოფელი გავლენა აქვს შროშანებს. ის ძილს კოშმარებისგან ათავისუფლებს და ამით სახლში სიმშვიდე მოაქვს.
ეს მოკლე სტატია თქვენი ინტერესის აღძვრას ისახავდა მიზნად. თუ ეს მოხერხდა, იქნებ ყვავილოვანი თერაპიის სხვა საინტერესო ასპექტებზე თავად მოიძიოთ ინფორმაცია და ჩვენს გაგვანდოთ.
ს. გულიაშვილი
წყარო: eva.ge
ყვავილოვანი თერაპია
⏱️ 1 წთ.
👁️ 1 135
100%