თუ საღამოს რომანტიკული პაემანი გელით



თუ საღამოს სადმე წასვლას აპირებთ, გაიკეთეთ ნიღაბი, რომელიც თქვენს კანს სინორჩესა და სიხასხასეს შესძენს.

მაგალითად, მოამზადეთ ცილის ნიღაბი: ათქვიფეთ ერთი კვერცის ცილა, შეურიეთ 2 ჩაის კოვზი თაფლი და მიღებული მასა დაიდეთ სახეზე. 25 წუთი გაიჩერეთ და ჩამოიბანეთ თბილი წყლით. ნიღაბი უხდება ცხიმიან კანს.

თუ მშრალი კანი გაქვთ, მოამზადეთ ნიღაბი თაფლისა და არაჟნისგან: 2 სუფრის კოვზი მჟავე არაჟანი, 1 სუფრის კოვზი თაფლი, ხორბლის მიუსლი. არაჟანი და გამდნარი თაფლი კარგად აურიეთ ერთმანეთში და დაუმატეთ იმდენი მიუსლი, რომ სქელი ფაფა გამოვიდეს. დაიდეთ სახეზე 20 წუთით და შემდეგ ჩამოიბანეთ თბილი წყლით.

კანის გასაჯანსაღებლად შეგიძლიათ გამოიყენოთ კიტრის ნაჭრებიც. ოღონდ გაითვალისწინეთ, რომ ბოსტნეული აუცილებლად ნატურალური უნდა იყოს. კარგად გარეცხეთ, დაჭერით თხელ რგოლებად და დაილაგეთ სახეზე. 20 წუთის განმავლობაში კანი კიტრის წვენს მაქსიმალურად შეიწოვს. შემდეგ ჩამოიბანეთ თბილი წყლით.

კიტრში შემავალი მრავალი მინერალების წყალობით ეს ნიღაბი შეკრავს ფორებს და გააჯანსაღებს კანს. კიტრის რგოლები შეგიძლიათ 15 წუთით თვალებზეც დაილაგოთ. ის გააახალგაზრდავებს და ტონუსში მოიყვანს თვალის ირგვლივ კანს. ასევე ძალიან კარგია თვალის ირგვლივ კანისთვის სამკურნალო მცენარეების ნაყენში დასველებული მარლის ან ბამბის ტამპონები.

კიტრი შეგიძლიათ დააბლენდეროთ ან გაატაროთ ხორცსაკეპ მანქანაში, შეურიოთ მცირე რაოდენობით არაჟანი და დაიდოთ სახეზე, ყელისა და დეკოლტეს მიდამოებში. მგრძნობიარე კანისთის ნიღაბში დაამატეთ 2 ჩაის კოვზი ალოეს წვენი. ჩამოიბანეთ ცივი წყლით.
აღსანიშნავია, რომ კიტრის ნიღაბი ყველა ტიპის კანს უხდება.

კიდევ რამდენიმე ინფორმაცია ნიღბების შესახებ:

-სამკურნალო (კოსმეტიკური) თიხის, საფუარის, ჭინჭრის ნახარშისგან მომზადებული ნიღბები პირველ რიგში ცხიმიან კანს უხდება.

-ჟელატინისგან, კვერცხისგან, თაფლისგან და ალოეს წვენისგან მომზადებული ნიღბები კანს ელასტიურობას სძენს.

-რძის, არაჟნის, ბანანის, ავოკადოს და სხვადასხვა მცენარეული ზეთისგან მომზადებული ნიღბები კვებავს კანს და გლუვს ხდის მას.

ნიღაბი სახეზე 15-დან 30 წუთამდე უნდა გაიჩეროთ, შემდეგ ჩამოიწმინდოთ ბამბის ტამპონით და დიდი რაოდენობით თბილი წყლით ჩამოიბანოთ, ამის შემდეგ კი სახე აუციელბლად უნდა გაიწმინდოთ ტონიკით.

კანს ჯანმრთელ იერს შესძენთ, თუ ამინდის მიუხედავად ყოველდღიურად ისეირნებთ სუფთა ჰაერზე. ასე არა მარტო კანზე იზრუნებთ, არამედ თმასა და მთელს ორგანიზმზე. ოღონდ ნუ იზოზინებთ -ენერგული ნაბიჯებით იარეთ.

საღამოს პაემანზე წასვლის წინ დრო აუცილებლად ხელებსაც დაუთმეთ. გაიკეთეთ როზმარინის, შალფეის ან გვირილის აბაზანები. რა თქმა უნდა, ლამაზი მანიკიური და ბოლოს ხელის კრემიც არ უნდა დაგავიწყდეთ. თუ დრო დაგრჩათ, ხელების გავარჯიშებაც არ გაწყენთ: ამოძრავეთ ცერა თითები, რამდენჯერმე შეკარით და გახსენით მუშტი. თუ ხელზე კანი ძალიან მოშვებულია, გაიკეთეთ კომპრესი ან ზეითუნის ზეთის აბაზანები.

ძილის წინ არასოდეს დაიზაროთ მაკიაჟის ჩამოცილება, შემდეგ მიიღეთ აბაზანა, რომელშიც ჩაამატებთ 1/2 ლიტრ ვაშლის ძმარსა და 1 ლიტრ შავი ჩაის ნაყენს. აბაზანის მიღებამდე სახეზე დაიდეთ მკვებავი ნიღაბი -ცხელი წყლის ორთქლი გააორმაგებს ნიღბის ეფექტს. აბაზანის მიღების შემდეგ, ჩამოიწმინდეთ ნიღაბი, ჩამოიბანეთ დიდი წყლის ჭავლით და წაისვით მკვებავი კრემი.

ხილის ძმრისა და თაფლის ნარევი, ბალახებისგან მომზადებული ჩაი, ხილის წვენი ან თაფლიანი რძე საშუალებას მოგცემთ, რომ მშვიდად და ღრმად დაიძინოთ.
































ტექსტის სანახავად გაიარეთ რეგისტრაცია.