სახის ნიღბები ფერისმჭამელების სამკურნალოდ

ფერისმჭამელა იგივე აკნე, კანის ყველაზე გავრცელებული დაავადებაა ახალგაზრდა ასაკში. სტატისტიკური მონაცემებით აკნეთი დაავადებულთა 60-90% ახალგაზრდებია. ყველა ადამიანი სიცოცხლეში ერთხელ მაინც ავადდება ჩვეულებრივი ფერისმჭამელათი, ავადობის პიკი კი 18 წლის ასაკია ან მომწიფების პერიოდი, თუმცა 20-40 წლის ასაკის ქალებისა და მამაკაცების დიდი ნაწილიც შეიძლება იყოს დაავადებული აკნეთი. აკნე ცხიმოვანი ჯირკვლების ანთებითი დაავადებაა, რომელთა აღმოცენება დაკავშირებულია ცხიმოვანი ჯირკვლების სადინარის დახშობასთან. გთავაზობთ რამდენიმე სახის ნიღაბს, რომელთა დამზადება სახლის პირობებშია შესაზლებელი და ფერისმჭამელებთან საბრძოლველად გამოგადგებათ.

პომიდორის ნიღაბი – აიღეთ პომიდორი და გამოწურეთ. ერთი ჩაის კოვზი პომიდვრის წვენი შეურიეთ ერთ კოვზ თაფლს და ერთ წვეთ ლიმნის წვენს. აურიეთ ერთმანეთში კარგად და წაისვით სუფთა და მშრალ კანზე. 10-15 წუთის შემდეგ ჩამოიბანეთ ნელთბილი წყლით. ნიღაბის კანიდან მოცილების შემდეგ, ამჯერად კანი ცივი წყლით ჩამოიბანეთ, რათა ფორები დახუროს და ბაქტერიების მოხვედრა მათში გართულდეს.



შვრიის ნიღაბი – ნახევარი ჭიქა შვრია მოხარშეთ, შემდეგ შეურიეთ ერთი კოვზი თაფლი და წაისვით სუფთა მშრალ კანზე. დააცადეთ სანამ ნიღაბი კანზე კარგად არ შეშრება, დაახლოებით 15-20 წუთი და შემდეგ ჩამოიბანეთ. ეს ნიღაბი შეგიძლიათ გაიკეთოთ კვირაში ერთხელ.



კვერცხის ცილის ნიღაბი – კვერცხის ცილას დაუმატეთ ცოტა ლიმონის წვენი და ათქვიფეთ ერთად. წაისვით ეს ნიღაბი სახეზე, განსაკუთრებით პრობლემატურ ადგილებზე. გაიჩერეთ 10 წუთით და ჩამოიბანეთ გრილი წყლით.



წყარო: lollipop.ge