დავიწყოთ იმით რომ ფეხი, ძალიან მგრძნობიარე ნაწილია ჩვენი ორგანიმზის და ყველაზე მეტად შეუძლია მოგვიტანოს დისკომფორტი ვიდრე სხეულის სხვა ნაწილებმა. ფეხი ხშირად ხდება სხვადასხვა დაავადების მსხვერპლი და დაღლილობაც კი ყველაზე მეტად ფეხებზე აისახება ხოლმე, ამიტომ პირველ რიგში შეეცადეთ ფეხსაცმელი შეარჩიოთ კარგად. თუ ბევრს დადიხართ მოხერხებული ფეხსაცმელი არჩიეთ ხოლო სადმე წასასვლელად კი შეგიძლიათ უბრალოდ მანქანაში გედოთ.
განსაკუთრებით ფრთხილად იყავით ზაფხულში ფეხსაცმელის არჩევისას, რადგან ზაფხულში სიცხის ზემოქმედებით ფეხი ხშირად უფრო ფართოვდება და ოფლიანდება, რაც მეტ სრიალს და ხახუნს იწვევს ფეხსაცმელთან, ეს ხახუნი კი – კანის გაღიზიანებას და შემდეგ წვას.
გარდა ამისა განსაკუთრებით საფრთხილოა მაღალქუსლიანი ფეხსაცმელი, მისი ტარებისას ფეხის გულის ბალიშებზე (იხ. სურათზე ლურჯი წრეები) მოდის განსაკუთრებული დატვირთვა, რის გამოც ფეხის კანი უხეშდება, თითქოს ამით ცდილობს თავის დაცვას ამ ზეწოლისგანო. ამიტომ ყოველდღიურად თუ მაინცდამაინც მაღალქუსლიანს არ გამოიყენებთ – თქვენი ფეხები დიდ მადლობას გეტყვიან დამიჯერეთ.
ეხლა კი მივხედოთ პროცედურებს:
დავიწყებ შუიდან – სამსახურის მერე სახლში მიხვედით, აუცილებლად იცვლით ტანსაცმელს და იბანთ ხელებს ხო?
ძალიან კარგი – ხოდა იმავე დროს როცა ხელებს იბანთ, გაიხსენეთ რომ დილის 10 სთ-დან 7 სთ–დე (სავარაუდოდ) თქვენი ფეხები არიან ფეხსაცმლის ტყვეობის ქვეშ. რაც არ უნდა გახსნილი და მოხერხებული იყოს ფეხსაცმელი ის მაინც თრგუნავს ფეხებს. ამიტომ გრილი წყლით და საპნით აუცილებლად დაიბანეთ და მტვერი და დაღლილობა ჩამოაცალეთ ფეხებს. შემდეგ თუ 5 წუთი სადმე შემაღლებულ ადგილზე დადებთ და ისე დაისვენებთ იდეალური იქნება.
ყველაზე მთავარი ეტაპი ფეხის მოვლისა არის ღამე – დაწოლის წინა პროცედურა. ამისთვის უნდა მოიმარაგოთ საპონი, გასახეხი ქვა, ზღვის მარილი და ტაშტი. იქვე უნდა გქონდეთ ფეხის სკრაბი და დამატენიანებელი და დამცავი ფეხის კრემი.
ყოველ ღამე დაწოლის წინ ტაშტში ასხამთ ცხელ წყალს – გასაძლისად ცხელს, ყრით ზღვის მარილს – ოღონდ ხელით არ გახსნათ, იქვე ონკანიდან ან დუშიდან გამდინარე წყლით ჩამოიბანეთ საღამოს მტვერი ფეხიდან და ჩაყავით ფეხები ტაშტში. შეეცადეთ ფეხისგულებით დაძრათ წყალში ჩაყრილი ზღვის მარილი, ამით ფეხის გულები მასაჟდება და სისხლის მოძრაობა აქტიურდება. გააჩერეთ ფეხები ასე 3-4 წუთი და თხლად გადაისვით ფეხის სკრაბი, რაც ოდნავ საპნის ეფექტსაც მისცემს და თან დაგეხმარებათ კარგად დაბანაში, სკრაბით დაიბანეთ ძალიან გულმოდგინეთ ჯერ ერთი და მერე მეორე ფეხი და ამის შემდეგ შეუდექით ფეხზე სახეხი ქვის გამოყენებას. ჯერ ნაზად გაიხეხეთ მთელი ფეხი და შემდეგ გამაგრებული ადგილები, ამ ადგილებს განსაკუთრებით მიხედეთ ხოლმე და იცოდეთ რომ თუ ამ პროცედურებს ჩაიტარებთ ყიველდღიურად ასეთი ადგილები აღარ გექნებათ არასოდეს. სახეხი ქვის გამოყენებას ნუ გადააჭარბებთ, თავიდანვე დაიწყეთ ცოტა უფრო ხანგრძლივად დამუშავება პრობლემური ადგილების – მაგრამ დიდი ძალა და უხეშობა არ გამოიყენოთ ამისთვის.
გახეხილ ფეხებს ჩამოიბანთ და გადაივლებთ სუფთა წყალს, თბილს. რის შემდეგაც აუცილებლად ბოლო ეტაპი არის ცივი წყლით დამუშავება. დაიჭირეთ დუში და ჰიდრო მასაჟივით გაიკეთეთ მთელი ტერფის ორგვლივ ცივი ცივი წყლით ზაფხულში, ხოლო ზამთარში რამდენად ცივსაც გაუძლებთ იმდენით. ამის შემდეგ ზალიან გულმოდგინეთ იმშრალებთ ფეხებს და ისვამთ ფეხის დამცავ და დამატენიანებელ კრემს – ძალიან კარგად უნდა შეიზილოთ. ჩაიცვათ ბამბის ნასკები – შუაგული ზაფხულიც რომ იყოს და მინიმუმ 1 საათი გაჩერდეთ ნასკებში. ღამე თუ შეგაწუხებთ გაიხადეთ არავითარ შემთხვევაში არ ჩაიცვათ სინთეტიკის ნასკი რადგან ის არ ატარებს ჰაერს და კრემსაც შეუშლის ხელს რომ კარგად შეაღწიოს ფეხის კანში, აუცილებლად გამოიყენეთ ბამბის წინდები.
და ბოლოს დილით – აუცილებლად ჩამოიბანეთ ფეხებიდან კრემი, არც ერთი კრემი ბოლომდე არ შეიწოვება კანში და ზედაპირზე ყოველთვის რჩება, სახეზე ეს არ გვაწუხებს ხოლმე, მაგრამ ფეხებზე და ხელებზე სასურველია რომ თუნდაც ხელსახოცით მოვიშოროთ ეს ზედმეტი ფენა, რადგან მტვრის ნაწილაკებს უფრო აქტიურად იკრავს ვიდრე ჩვეულებრივ. ამიტომ ვიდრე ფეხსაცმელს ჩაიცმევდეთ სახლიდან გასვლისას, აუცილებლად ჩამოიბანეთ დარჩენილი ფეხის კრემი.
და ბოლოს ერთი ოქროს წესი: ფეხის სილამაზე ფრჩხილებიდან იწყება და მოუარეთ ფრჩხილებს განსაკუთრებულად. გაიკეთეთ პედიკური – მაგრამ არა კლანჭები, სასურველია ფრჩხილი იყოს ლამაზად დაჭრილი და მანიკურით. ოღონდ არა 3 სანტიმეტრით უფრო გრძელი ვიდრე თავად თითი.
წყარო: mary.ge