გაზაფხულზე, მზის მოძლიერებასთან ერთად, ზოგიერთს სახე ჭორფლებით ეფარება. შინაურული მეთოდებით ჩვენ მათ მოშორებას გასწავლით.
1. რეგულარულად გაიწმინდეთ სახე ლიმონის წვენით, შემდეგ კი თბილი წყლით ჩამოიბანეთ. თუ პროცედურის შემდეგ მზეზე მოგიწევთ გასვლა, მზისგან დამცავი კრემი წაისვით.
2. კანიანად მოხარშული კარტოფილი გაფცქვენით, დაუმატეთ მაწონი, გატარებული ნუში (ფაფისებური მასა უნდა მიიღოთ) და დაიდეთ სახეზე 15-20 წუთით. ჩამოიბანეთ თბილი წყლით.
3. ყველაზე ეფექტურ საშუალებად ოხრახუში ითვლება. მწვანილი დააბლენდერეთ, დაუმატეთ მაწონი და გამზადებული მასა დოლბანდზე მოათავსეთ. სახეზე 20 წუთი გაიჩერეთ, ცივი წყლით ჩამოიბანეთ და კრემი წაისვით.
4. ჭორფლები ნაკლებად თვალშისაცემი რომ გახდეს, სახე დილა-საღამოს ჩაის მუქი ნაყენით დაიბანეთ.
5. აგრეთვე, კარგ შედეგს იძლევა დილაობით სახის დაბანა წყალგარეული ვაშლის ან ღვინის ძმრით.
6. მარტივი მოსამზადებელია კიტრის ნიღაბიც. ამისათვის საშუალო ზომის კიტრი დააბლენდერეთ და მიღებული მასა სახეზე წაისვით.
7. სახის კარგი, მათეთრებელი ეფექტი აქვს ბიო-იოგურტს. წაისვით იგი სახეზე და 10 წუთის შემდეგ გრილი წყლით ჩამოიბანეთ
წყარო: presa.ge
მოვიშოროთ ჭორფლი სახლის პირობებში
⏱️ 1 წთ.
👁️ 3 026
100%