სილამაზის რეცეპტები დიასახლისებისთვის



განსაკუთრებული ყურადღება სწორედ სამზარეულოში მოფუსფუსე დიასახლისებს მართებთ. თუ ძვირფასი პარფიუმერიისა და სილამაზის სალონებში სტუმრობის საშუალება არ გაქვთ, სახის განებივრება შინიდან გაუსვლელადაც შეგიძლიათ.

ყველა ტიპის კანისთვის

ვაშლი კანს ასუფთავებს, წმენდს, არბილებს და გლუვს ხდის. ორი საშუალო ზომის ვაშლი გახეხეთ, დაუმატეთ 1/4 ლიტრი თბილი რძე და ორი სუფრის კოვზი დაფქული ჰერკულესი. მიღებული მასა წაისვით სახეზე და 10-15 წუთის შემდეგ გრილი წყლით ჩამოიბანეთ.

სტაფილოს ნიღაბი კანს ატონიზირებს. ორი ცალი სტაფილო გახეხეთ, დაუმატეთ ორი ჩაის კოვზი კვერცხის ცილა, აურიეთ, დაუმატეთ 1 ჩაის კოვზი ზეითუნის ზეთი და ცოტა სახამებელი. 15-20 წუთი გაიჩერეთ სახეზე და შემდეგ თბილი წყლით ჩამოიბანეთ.

ცხიმიანი კანისთვის

ერთი კვერცხის ცილა და ორი სუფრის კოვზი ლიმონის წვენი აურიეთ, დაუმატეთ 1 სუფრის კოვზი ჰერკულესი. მიღებული მასა ორ სქელ ფენად წაისვით სახესა და ყელზე და 20 წუთის შემდეგ ჩაის ღია ნაყენით ჩამოიბანეთ.

კიტრის ნიღაბი აგრილებს, არბილებს და კვებავს სახის კანს. სამ სუფრის კოვზ კიტრის წვენს დაუმატეთ იმავე რაოდენობის სპირტი, მომზადებული მასა ნახევარი საათი გააჩერეთ, შემდეგ მასში მარლა ან ხელსახოცი დაასველეთ და 15-20 წუთის განმავლობაში სახეზე დაიდეთ.

მშრალი კანისთვის

კარტოფილის ნიღაბი კანს ამშვიდებს, ამკვრივებს და ხავერდოვანს ხდის. სამი საშუალო ზომის კარტოფილი გახეხეთ, დაუმატეთ 1/3 ლიტრი თბილი რძე და ერთი კვერცხის ცილა. მიღებული მასა შეათბეთ და მხოლოდ ისე წაისვით სახესა და ყელზე. შემდეგ მასში ხელსახოცი დაასველეთ და სახეზე დაიფინეთ, ნახევარი საათის შემდეგ ნიღაბი თბილი წყლით ჩამოიბანეთ.

ჟოლოს ნიღაბი აცოცხლებს და ახალისებს სახის კანს. 50 გრამ ჟოლოს წვენს დაუმატეთ სამი ჩაის კოვზი რძე, მიღებულ მასაში დაასველეთ მარლა ან ხელსახოცი და დაიფინეთ სახეზე. 15-20 წუთის შემდეგ სახე გრილი წყლით ჩამოიბანეთ.


წყარო: etanews.ge
































ტექსტის სანახავად გაიარეთ რეგისტრაცია.