თმის გაყოფილ ბოლოებს გარგარის ზეთი უშველის - რჩევები ქალბატონებს



თმას არა მარტო კარგი მოვლა, კარგი კვებაც ესაჭიროება. ნატურალურ ექსტრაქტებზე დამზადებული თმის მკვებავი საშუალებები მყარ ეფექტს იძლევა. ასე რომ, მკვებავი საშუალებების შერჩევისას გაითვალისწინეთ:

წყალმცენარეები ცხიმის გამოყოფას არეგულირებს და თმის ძირებს აუცილებელი მკვებავი ნივთიერებებით ამარაგებს.

ალოე თმას ატენიანებს და მის სტრუქტურას აუმჯობესებს. კონდიციონერის შემადგენლობაში შემავალი ალოეს ფოთლების გელი თმას არბილებს, აფუებს და დამყოლს ხდის.

გარგარის ზეთი მასში შემავალი რკინის მეშვეობით თმას ჟანგბადის უკეთ ათვისებაში ეხმარება და გაყოფილი ბოლოების კარგი პროფილაქტიკური საშუალებაა.

ჟენ-შენი თმის ქერცლიან ზედაპირს ასუფთავებს. მდიდარია გამწმენდი ნივთიერებებით და საუკეთესო საშუალებაა თხელი თმის მოსავლელად.

კრაზანა თავის კანზე დამამშვიდებლად მოქმედებს, აშორებს ქერტლს და კანს მისი გაჩენისგან იცავს.

ზემოჩამოთვლილი საშუალებები თმას მრავალი პრობლემისგან იხსნის. უპირველეს ყოვლისა, მოგიხსნით ისეთ უსიამოვნო შეგრძნებებს, როგორებიცაა თავის კანის დაჭიმვა და ქავილი. ზემოაღნიშნული კომპონენტების შემცველ საშუალებებს არომათერაპიული ეფექტიც აქვს. მათში შემავალი ნატურალური ექსტრაქტებისა და ეთერზეთების სურნელი დამამშვიდებლად მოქმედებს არა მარტო თავის კანზე, არამედ ნერვულ სისტემაზეც.

წყარო: etanews.ge
































ტექსტის სანახავად გაიარეთ რეგისტრაცია.