კბილებისთვის მავნე და სასარგებლო საკვები / სასმელი



ყველა ოცნებობს ჰქონდეს თეთრი, ბზინვარე კბილები და „ჰოლივუდის ღიმილი“. ამ ოცნებას სტომატოლოგიური კაბინეტების და კბილების ათასგვარი გამათეთრებელი პროცედურების წყალობით დღეს ბევრი იხდენს, თუმცა დიდი მნიშვნელობა აქვს შემდგომში როგორ მოვუვლით და შევინარჩუნებთ ჯანსაღ და თეთრ კბილებს.

გთავაზობთ საკვები და სასმელი პროდუქტების ჩამონათვალს, რომელთაგან ზოგი ვნებს, ზოგი კი სასარგებლოა თქვენი კბილებისთვის.

კბილებს სიყვითლეს და მუქ შეფერილობას აძლევს:

ყავა და მუქი ჩაი – კბილის გარე შრე ანუ ემალი მუქი ფერის პიგმენტს მყისიერად იკრავს. თუ მალევე კბილები არ გაისუფთავეთ სიმუქე უფრო ღრმად ჩაჯდება ემალში.

შავი ღვინო – კბილების აშკარა მტერია.

კოკა-კოლა და მუქი ფერის გაზიანი სასმელი – ყველა მათგან შეიცავს მჟავას, რომელიც ათხელებს და აყვითლებს კბილის ემალს. კარგი იქნება,თუ ამ სასმელებს „საწრუპის“ დახმარებით მიირთმევთ.

ტკბილეული – შეიცავს დიდი რაოდენობით ფერად პიგმენტებს, რაც ძალიან საზიანოა ემალისათვის.

კენკროვნები, ყურძენი და ბროწეულიც – ამუქებს კბილებს.

ჭარხალი – ბოსტნეულიც შეიძლება აღმოჩნდეს თქვენი კბილების მტერი. ერთი საათის განმავლობაში აუცილებლად გაიხეხეთ კბილები.

პომიდვრის სოუსი – სხვა მუქი ფერის სოუსებთან ერთად აყვითლებს ემალს.

კიტრის „პიკულები“ და კეტჩუპი – ეს მჟავისშემცველი პროდუქტებიც საზიანოა.


ის, რაც კბილებს სითეთრეს და ბზინვარებას მატებს:

ვაშლი და მსხალი – ნერწყვის გამოყოფის პროცესს აჩქარებს და ეს თავის მხრივ კბილებზე მუქის ლაქების წარმოქმნას ხელს უშლის.

ყვავილოვან კომბოსტს და კიტრსაც მსგავსი ეფექტი აქვთ.

ყველი – მდიდარია კალციუმით, ფოსფორით და ცილებით, რაც აუცილებელია კბილების სიჯანსაღისათვის.

ხახვი – ბაქტერიებს კლავს პირის ღრუში.

ანანასი – კბილის ბუნებრივ მათეთრებლად ითვლება.

ბროკოლი, სალათის ფურცლები და ისპანახი – შეიცავს რკინას, რაც იცავს კბილის ემალს.

ჯანჯაფილი (კოჭა) – ანთების საწინააღმდეგო თვისებებით გამოირჩევა და პირის ღრუს ჯანმრთელობაზე ზრუნავს.

სტაფილო – ვიტამინ A -ს შეიცავს და მყარი და ძლიერი კბილის ემალისთვის აუცილებელია.

ბაზილიკა – პირის ღრუს ბუნებრივი ანტიბიოტიკია.

წყარო: feme.ge
































ტექსტის სანახავად გაიარეთ რეგისტრაცია.