ჯანმრთელი და მოვლილი თმა ხაზს უსვამს ადამიანის სილამაზეს. თმის სწორად მოვლისათვის საჭიროა მის შესახებ გარკვეული ცოდნა. თმის ყოველი ღერი გამსხვილებული ძირით ზის ცილინდრულ ჩაღრმავებაში-ფოლიკულში. თავზე თმის სიცოცხლის ხანგრძლივობა არის 3-4 წელი, წარბები და წამწამები კი 150 დღეს „ცოცხლობენ“. სისხლძარღვები და ნერვული დაბოლოებანი ახორციელებენ კავშირს თმასა და ორგანიზმს შორის. თავის კანის ნორმალური მდგომარეობის დარღვევა (ზედმეტი სიმშრალე თუ ჭარბი ცხიმიანობა, თმის უეცარი დაცვენა, ქერტლი და სხვა) ორგანიზმში მიმდინარე ზოგად ცვლილებებზე მიუთითებს. გახსოვდეთ თავის კანი და თმა იკვებება იმავე საკვებით, რითაც ტვინი, გული და სხეულის თითოეული უჯრედი, თუმცა ზოგიერთი საკვები კი არ კვებავს ორგანიზმს, არამედ წამლავს მას.
თავის კანისა და თმის დაზიანება შეიძლება გამოიწვიოს მრავალმა მიზეზმა: უსიცოცხლო, მოხარშულმა საკვებმა, მავნე ჩვევებმა, სისხლის მიმოქცევის მოშლამ, ნერვულმა დაძაბულობამ და სხვა. რაღა თქმა უნდა, ასევე დიდი გავლენა აქვს გარეგან ფაქტორებსაც, როგორიც არის თმის უხეშად ვარცხნა, გადახურება, სიცივე, საღებავებისა და ქიმიური შამპუნების გამოყენება. თმის გაფუჭებას განსაკუთრებით ზამთრის სეზონი უწყობს ხელს, სიცივე და ქუდი საშინლად ფიტავს მას, მტვრევადს და უსიცოცხლოს ხდის. ამ დროს სასურველია, თმის დაცვა ზედმეტი დაზიანებისაგან, ამისათვის კი საჭიროა ვიცოდეთ თმის სწორად ვარცხნა.
თმის სწორად ვარცხნას დიდი მნიშვნელობა აქვს. გადგით ფეხები ოდნავ განზე და წინ ისე დაიხარეთ, თავი გულის დონეზე დაბლა მოექცეს. ასეთ მდგომარეობაში სისხლის ნაკადი თავისუფლად მიედინება თავის კანისკენ, წმენდს და კვებავს თმის „ნიადაგს“. თმა უნდა დავივარცხნოთ ძირებიდან ბოლოებისკენ (გარდა ცხიმიანი თმისა), ამ დროს თმა იწმინდება მტვრის ნაწილაკებისგან და მკვდარი თმისგან. გრძელი თმა დაივარცხნეთ თანდათანობით, ნაწილ-ნაწილ. უმჯობესია სავარცხელს ჰქონდეს ბლაგვი კბილანები.
თუ გსურთ, თმა თანაბარი და ბზინვარე იყოს, აუცილებელია გამოიყენთ ორმაგი სავარცხელი, თავდაპირველად მაგარი თავის კანის სტიმულირებისათვის, ხოლო შემდეგ რბილი თმის ვიზუალური ეფექტის მისანიჭებლად.
მარიამ მახნიაშვილი
postalioni.com
რაზე მიუთითებს თავის კანის ნორმალური მდგომარეობის დარღვევა?
⏱️ 1 წთ.
👁️ 1 286
100%