საუზმის 3 წესი, რომელიც დაკლებაში დაგეხმარებათ



უკვე ბევრმა კვლევამ დაამტკიცა, რომ ჯანმრთელობისა და კარგი ფორმებისათვის ძალიან დიდი მნიშვნელობა აქვს, რას ვჭამთ დილით. არსებობს რეკომენდაციებიც, რომლებსაც სპეციალისტები გვაძლევენ. იხილეთ საუზმის 3 წესი.

1. ისაუზმეთ გაღვიძებისთანავე
კვლევები ამტკიცებს, რომ გაღვიძებიდან 30-60 წუთის განმავლობაში მიღებული საკვები საუკეთესოდ გადამუშავდება და კარგად ზემოქმედებს ორგანიზმის მომნელებელ სისტემაზე. დროული საუზმე გარანტიაა იმისა, რომ შიმშილი მთელი დღის განმავლობაში ნაკლებად შეგაწუხებთ. თუ დილით ჭამა არ გიყვართ, შეარჩიეთ სმუსი ან რაიმე პროდუქტი, რომელიც გიყვართ და რომლითაც თქვენს ორგანიზმს ყოველდღიურად გამოაღვიძებთ.

2. შეარჩიეთ მაღალპროტეინული საუზმე
მიირთვით, მაგალითად, კვერცხი, მაწონი... მსგავსი პროდუქტები სწრაფად დანაყრებასა და წონაში დაკლებაში დაგეხმარებათ. ერთ-ერთმა კვლევამ დაამტკიცა, რომ ქალბატონებს, რომლებიც დილას კვერცხით იწყებდნენ, ორჯერ მეტის დაკლება შეეძლოთ, ვიდრე მათ, ვინც უპირატესობას ცომეულს ანიჭებდნენ.

3. მიირთვით ბანანი
ბანანი ის პროდუქტია, რომელიც დანაყრებასა და დღის განმავლობაში მეტი კალორიის დაწვაში გეხმარებათ. იდეალური იქნება, თუ ბანანთან ერთად საუზმეს შვრიასაც შეურევთ. გახსოვდეთ, მიუხედავად იმისა, რომ მაღალკალორიულია, დღის ამ ხილით დაწყება უკეთეს განწყობასა და მეტ ენერგიას ნიშნავს.

ავტორი: ელენე მარგალიტაშვილი

okmagazine.ge
































ტექსტის სანახავად გაიარეთ რეგისტრაცია.