ყავა კიბოთი დაავადების რისკს არ ზრდის



ყავისა და ტკბილი გაზიანი სასმელების დიდი რაოდენობით მოხმარება არ უკავშირდება მსხვილი ნაწლავის კიბოს განვითარების რისკის მატებას, აღნიშნავენ ჰარვარდის საზოგადოებრივი ჯანდაცვის სკოლის მკვლევარები. დღესდღეობით, ჯანმრთელობაზე ყავისა და ჩაის პოზიტიურ თუ ნეგატიურ გავლენასთან დაკავშირებით, მეცნიერთა აზრი იყოფა. ჩაი ერთდროულად შეიცავს სასარგებლო ანტიოქსიდანტებს და ასევე, პოლიამინებს, რომელიც, მეცნიერთა აზრით, ხელს უწყობს კიბოს განვითარებას. დამტკიცებულია, რომ ტკბილი არაალკოჰოლური სასმელები იწვევს სხეულის მასის მატებას, სიმსუქნეს და სხვა ნეგატიური პირობების შექმნას, რომელიც პოტენციურ რისკ-ფაქტორს წარმოადგენს მსხვილი ნაწლავის კიბოს განვითარებისათვის.ობიექტური დასკვნების მისაღებად, მეცნიერებმა განიხილეს ჩრდილოეთ ამერიკასა და ევროპაში ჩატარებული 13 კვლევა, რომელიც მოიცავდა 700 ათასზე მეტ მონაწილეს. ექიმებმა დააფიქსირეს, რომ ვინც ბევრ ყავას სვამდა, რაც დღეში 6-8 ჭიქაზე მეტს შეესაბამებოდა, მათ არ აღენიშნათ მსხვილი ნაწლავის კიბოს განვითარების რისკის მატება, ასეთივე შედეგი მიიღეს ყოველდღიურად დიდი რაოდენობით ტკბილი გაზიანი სასმელის მომხმარებლებისთვისაც. თუმცა მკვლევარები აღნიშნავენ, რომ ტკბილი, არაალკოჰოლური სასმელების მოხმარებასთან დაკავშირებული შედეგების ინტერპრეტირებას სიფრთხილით უნდა მოვეკიდოთ, რადგან გაანალიზებული კვლევების მონაწილეთა მხოლოდ მცირე ნაწილი მოიხმარდა რეგულარულად გაზიანი სასმელის დიდ რაოდენობას. ამავე დროს, ავტორთა თქმით, საინტერესოა, რომ დაავადების რისკის მცირედი მატება აღენიშნათ ადამიანებს, რომლებიც რეგულარულად სვამდნენ რამდენიმე ჭიქა ჩაის დღეში.
































ტექსტის სანახავად გაიარეთ რეგისტრაცია.