ინგრედიენტები:
* 2 ნაჭერი ქათმის ფილე
* 1 კონა მწვანე სალათა
* 3-4 ცალი პომიდორი
* 3-4 ცალი კიტრი
* 4 ცალი მოხარშული კვერცხი
* 200გ კუბებად დაჭრილი ყველი
* 2-3 თავი ხახვი
* 1 დიდი ლიმონი
* 5 ს/კ ზეითუნის ზეთი
* ½ ჩ/კ მარცვლოვანი მდოგვი
* მარილი, პილპილი, მწიკვი შაქარი
მომზადების წესი:
* ქათმის თითოეული ფილე გაჭერით სიბრტყეზე, მოასხურეთ ნახევარი ლიმონის წვენი და მინიმუმ ერთი საათით შედგით მაცივარში. ბოსტნეული გაარჩიეთ და გარეცხეთ.
* მოამზადეთ სოუსი: დარჩენილ ლიმონის წვენს დაუმატეთ მდოგვი, ზეთი, მარილი, პილპილი და მწიკვი შაქარი, კარგად ამოურიეთ, რათა მეტ-ნაკლებად ერთგვაროვანი მასა მიიღოთ.
* ქათმის ფილეს ცოტა მარილი და პილპილი მოაყარეთ და ორივე მხრიდან შებრაწეთ. შეაგრილეთ და ზოლებად დაჭერით.
* სალათის ფურცლები ხელით დაფლითეთ და გაშალეთ თეფშზე, მოასხით სოუსი, რომელსაც ყოველი დასხმის წინ კოვზით აურევთ. გაანაწილეთ ზედ კიტრი, პომიდორი, ხახვის რგოლები, კვერცხის ნაჭრები და ისევ მოასხით სოუსი. ზემოდან თითოეულ ულუფას დაადეთ ქათმის ნაჭრები და კვლავ სოუსი.
წყარო: feme.ge