ქათმის ხორცის კატლეტი ხაჭოთი და ბოსტნეულით

⏱️ 1 წთ. 👁️ 3 815

100%

წარმოუდგენლად წვნიანი კატლეტები გამოდის. მოეწონებეთ ბავშვებსაც და მოზრდილებსაც. გემრიელია როგორც ცხელი ასევე ცივი.

მასალა:

* ყაბაყი - 350გრ;
* კამა - 20გრ;
* ქათმის ხორცის ფარში - 800გრ;
* კვერცხი - 1 ცალი;
* სტაფილო - 90 გრ;
* მარილი - ½ ჩ/კ;
* ზეთი - 30მლ;
* წითელი მწარე წიწაკა ჩილი - ერთი ცალი;
* პილპილი - ¼ ჩ/კ;
* ოხრახუში - 20გრ;
* ხაჭო (5-10%) – 200გრ;
* ნივრის კბილი - 4 ცალი;
* სახამებელი (ან ფქვილი) - 20გრ;

მომზადების წესი:

ყაბაყი გავასუფთავოთ მოვაშოროთ კანი და გავხეხოთ წვრილ სახეხზე.

მწარე წიწაკა გავასუფთაოთ, მოვაშოროთ გული და თესლი და დავჭრათ ძალიან წვრილ ნაჭრებად.

კამა და ოხრახუში დავჭრათ წვრილად.

გავატაროთ ქათმის ხორცი, სტაფილო და ნიორი ხორცსაკეპ მანქანაში, საშუალო ზომის ბადეზე.
დავუმატოთ ხაჭო, დაჭრილი მწვანილეულობა, მწარე წიწაკა, კვერცხი, ყაბაყი(ყაბაყი წინასწარ გავწუროთ ზედმეტი წყლისგან), პილპილი და მარილი.

მოვზილოთ ეს მასა კარგად და შევინახოთ საყინულეში 10- 15 წუთს.

ვაცხელებთ ტაფაზე ზეთს. სუფრის კოვზით ამოვიღებთ ფარშს და ვამრგვალებთ. ხელებს წინასწარ წყლით ვისველებთ და ისე ვამრგვალებთ ფარშს.
დაბალ ცეცხლზე 2-3 წუთის განმავლობაში იბრაწება კატლეტი.