პირადი გამოცდილება – 200 -ზე მეტი ოპერაცია საქართველოში, შარდის შეუკავებლობის და საშოს კედლების დაწევის დროს, შარდის შეუკავებლობა საკმაოდ გავრცელებულია ქალებში, რის შედეგადაც ქალებს უამრავი პრობლემა უჩნდებათ და ხშირად მათ დეპრესიაც ემართებათ.
შარდის შეუკავებლობის რამოდენიმე ფორმა არსებობს:
შარდის დაძაბვითი შეუკავებლობის პირველი სიმპტომები იწყება შარდის უნებლიე დაღვრით დახველების, დაცემინების, სიცილის დროს, ამას შემდგომ ნელნელა ემატება შარდის დაღვრა ფიზიკური დატვირთვის, სიმძიმის აწევის, სირბილის, ხტუნვის, სიარულის, სქესობრივი ცხოვრების დროს.
მხოლოდ ჩვენთან – შარდის შეუკავებლობის ოპერაციის ფასი 850 ლარი !!!!!!!!! (ფასი ზონრის გარეშე).
შარდის დაძაბვითი შეუკავებლობის ორი პიკი არსებობს. პირველი პიკი მოდის მშობიარობის შემდგომ პერიოდზე. მშობიარობის დროს ხდება იოგების დაზიანება, კუნთების მოდუნება რის შედეგათ ვითარდება შარდის დაძაბვითი შეუკავებლობა. სამწუხაროდ ახალგაზრდა დედები ამას არ აქცევენ სათანადო ყურადღებას, ბავშვზე გადააქვთ მთელი დრო, თან ჰგონიათ, რომ ეს დროებითია და გაუვლით. თუმცა დროთა განმავლობაში დაავადება პროგრესირებს. ერთადერთი რამაც ეს პროცეში შეიძლება შეაჩეროს, არის ელექტრომიოსტიმულაცია – კუნთების ვარჯიშები სპეციალური აპარატის გამოყენებით. მშობიარობის შემდგომ უახლოეს პერიოდში ელექტრომიოსტიმულაცია ყველას უნდა ჩაუტარდეს, ვინაიდან აღდგენილ იქნას შორისის კუნთების ფუნქცია.
მეორე პიკი მოდის ქალის საშუალო ასაკზე და თან ერთვის მენსტრუალური ციკლის გაქრობის დროს ორგანიზმში მიდინარე ჰორმონალურ ცვლილებებს. ამ დროს ხდება იმ იოგების და კუნთების მოდუნება, რომლებიც განაპირობებენ შარდის შეკავებას. დღეს საქართველოში უკვე შესაძლებელია მინიმალურად ტრავმული ოპერაციების წარმოება, რომელთა მეშვეობით ხდება აღნიშნული იოგების ჩანაცვლება.TVTოპერაციის ხანგრძლივობა არ აღემატება 30 წუთს, ქალი ეწერება კლინიკიდან მეორე დღესვე და რაც მთავარია ამგვარი ოპერაციების ეფექტურობა აღემატება 95%.
მინდა გაჩვენოთ რამოდენიმე ქალბატონის წერილების ამონაწერები ვისაც გაუკეთდა ჩემს მიერ სლინგური ოპერაცია:
" ოპერაციის დროს არაფერი მიგვრძვნია, მეორე დღეს ალეკო ექიმმა თავად წამომაყენა ფეხზე და მითხრა – აბა დაახველეო, ნუ გეშინიათ. მეც დახახველე, გავიარე, კიდევ დავახველე. ეს დაუჯერებელია, შარდი აღარ გამომსვლია, არაფერი არ გამეპარა!”
" ოპერაციის შემდეგ მე არ მეშინია გაცინების, დახველების, დაცემინების, მე ვგრძნობ შარდის ბუშტს. საფენი მშრალია, აღარ მჭირდება, ხოლო თვალები სველი ბედნიერების წრემლებით. დიდი მადლობა თქვენს მშობლებს ბატონო ალეკო”
"ოპერაციამდე ჩემზე უბედური არავინ მეგონა, არაფრის მჯერობა, არც ამ ახალგაზრდა ექიმის, მაგრამ სხვა არაფერი დამრჩენოდა, თავის მოკვლა მინდოდა, მაგრამ ვერ ვბედავდი. პალატაში, წინა დღეს ნაოპერაციები ქალი დამხვდა, ბათონი ალეკო იქ იყო, მერე ის გავიდა. იმ ქალის სახე ბედნიერი იყო, მითხრა რომ შარდის შეუკავებლობის გამო 15 წელი ითანჯებოდა, ხოლო დღეს მეორედ დავიბადეო, მშრალი ვარო…
…თავიდან დავიბადე, ღმერთო მაპატიე…
…მეც მშრალი ვარ”
2009 წლის დეკემბერში ნაოპერაციები ქალბატონის წერილი "მადლობა უფალო ალეკო რომ მოავლინე ამ ქვეყანას…
… 25 წელი ჩემს სახლში არ გამიტარებია …. ვცდილობდი ახალ წელს ჩემს უბედურებას გავქცეოდი. მაგრამ ამ ახალ წელს ჩემს სახლში დაველოდები …
27.12.2010წელი”
ერთერთი ბოლო ნაოპერაციები პაციენტის წერილი 22.12.2010წ.
’’ … ძალიან მინდა მთელ საქართველოს მივმართო რომ არსებობს ექიმი ალეკო ხელაია უროლოგიის ინსტიტუტში. ამას აუცილებლად გავაკეთებ…
… უკვე ძალიან მიყვარხარ და ძალიან ბედნიერი ვარ რომ არსებობ და დარწმუნებული ვარ რომ ბევრ გაჭირვებულს ჩემსავით გაუშვებთ სახლში. მადლობა ყველაფრისათვის …’’
"14. 11.11…. თქვენ მოახდინეთ ნამდვილი სასწაული, მე მშრალი ვარ…”
"29. 11. 11 … ალეკო ექიმო თქვენთვის მადლობის თქმა არასოდეს მომწყინდება, ამ დღეს 2 წელი ველოდებოდი. ვამაყობ თქვენით…”
"10.12.11 … დღეს ოპერაციიდან ერთი თვე შემისრულდა და მინდოდა ძალიან დიდი მადლობა კიდევ ერთხელ გადამეხადა თქვენთვის, ძალიან კარგათ ვარ და ასე ბევრი გაგეხარებინოს…”
გარდა ამისა, არსებობს შარდის შეუკავებლობის მეორე ფორმა, რომელიც განპირობებულია ჰიპერაქტიული შარდის ბუშტით, და იწვევს მოშარდვის ბრძანებით სურვილს. მარტივად რომ ვთქვათ, ქალი ხშირად ვერ ასწრებს საპირფარეშომდე. მსგავსი სიტუაცია შეიძლება განმეორდეს დღეღამის ნებისმიერ დროს და ნებისმიერი რაოდენობით. ამ დაავადების მკურნალობა ძალზედ ეფექტურია სპეციალური მედიკემენტების მეშვეობით.
ამრიგად, შარდის შეუკავებლობა, რომელიც წარმოადგენს თანამედროვე ქალის ყველაზე ხშირ და მძიმე პრობლემას ხშირად იწვევს ნევროზს და დეპრესიას. უკვე არსებული შარდის შეუკავებლობა სავსებით განკურნებადია, ხოლო მის ასაცილებლად ახალგაზრდა ასაკში მშობიარობის შემდგომ უნდა იქნას მიღებული დროული ღონისძიებები.
ქალბატონების დასმული კითხვები და ჩემი პასუხი
კითხვა: ვარ 27 წლის, მქონდა მძიმე მშობიარობა, ბავშვის წონა იყო 4200 გრამი. მშობიარობის შემდეგ დამეწყო შარდის შეუკავებლობა დახველების, დაცემინების, ბავშვის ხელში აყვანის დროს. ძალიან დათრგუნული ვარ, რით შეგიძლიათ რომ დამეხმაროთ.
პასუხი – შარდის შეუკავებლობა ახალგაზრდა გოგონებში ხშირია მძიმე მშობიარობის და დიდი ნაყოფის დაბადების შემდეგ. ამის მიზეზი არის შარდსადენი მილისა და შარდის ბუშტის მაფიქსირებელი იოგების დაზიანება, რის სათავეში დგას შემაერთებელი ქსოვილის გენეტიკური სისუსტე. სველი საფენები ნამდვილად შემაწუხებელი და დამთრგუნველია ნებისმიერი ქალისათვის ყველა ასაკში. შარდის შეუკავებლობის სამკურნალოდ მოწოდებულია მინი ოპერაცია – სლინგური ოპერაცია, რომლის ეფექტი უახლოვდება 100%. პაციენტი ეწერება კლინიკიდან მეორე დღესვე. ოპერაციის დროს ხდება სპეციალური პოლიპროპილენის ზონრის გამოყენება, რაც ამყარებს დაზიანებულ იოგებს. აღნიშნული ოპერაცია შარდის დაძაბვითი შეუკავებლობის დროს ერთნაირად ეფექტურია როგორც ახალგაზრდა გოგონებში, ასევე შუა ასაკის და ხანდაზმულ ქალბატონებში.
კითხვა: მყავს 57 წლის დედა. მან შარდის შეუკავებლობის გამო მიმართა ერთ-ერთ გინეკოლოგიურ კლინიკას, სადაც უთხრეს რომ მას ჰქონდა საშოს წინა კედლის დაწევა რაც არისო ამის მიზეზი. გაუკეთეს რაღაც პლასტიკური ოპერაცია, ორი თვე იყო შედარებით კარგათ (მაგრამ ბოლომდე არა), ხოლო ეხლა როგორც მანამდე, ეპარება შარდი. რა შეიძლება ეს იყოს?
პასუხი: პასუხი – შარდის დაძაბვითი შეუკავებლობა ქალებში უროლოგიის ცალკე განხრაა, რაც არის გამოყოფილი როგორც ქალთა უროლოგია. ამგავარი პრობლემით აუცილებელია მიმართოთ უროლოგს, ვისაც აქვს დიდი გამოცდილება ქალთა უროლოგიაში და უროგინეკოლოგიაში, რაც საქართველოში იშვიათია. პირადად მე მაქვს მრავალწლიანი გამოცდილება ამ დარგში მუშაობის. თქვენ დედასთან დაკავშირებით არის საჭირო მეორე ოპერაცია უშუალოდ შარდის შეუკავებლობის გამო. რომ არ მოხდეს ამგვარი შემთხვევები, ჩემს პრაქტიკაში ერთდროულად ვაკეთებ ორივე ჩარევას როგორც შარდის შეუკავებლობის გამო, ასევე საშოს წინა კედლის დაწევის ანუ შარდის ბუშტის – ცისტოცელეს გამო. შარდის დაძაბვითი შეუკავებლობის ოპერაცია გრძელდება 30 – 40 წუთი, ხოლო ქალი ეწერება კლინიკიდან მეორე დღესვე. ამ მინიოპერაციის ეფექტურობა უახლოვდება 100%, რაც ძალზედ დიდ შვებას აძლევს შარდის შეუკავებლობით დატანჯულ ქალს.
კითხვა: ვარ 52 წლის ქალი, უკვე რამოდენიმე წელია მაწუხებს შარდის შეუკავებლობა. თავიდან ეს იყო უმნიშვნელოდ გამოხატული, მხოლოდ დაცემინების ან დახველების დროს მეპარებოდა, მერე სიმძიმის აწევის დროს ეხლა უკვე სიარულის დროს. თავიდან ყურადღება ვერ მივაქციე. ძალიან წუდ დღეში ვარ, იძულებული ვარ ვიარო სქელი საფენებით, ყოველდღიური პამპერსები საშუალება არ მაქვს. რა მეშველება?
პასუხი: შარდის შეუკავებლობა ხშირია ამ ასაკისათვის. მენსტრუალური ციკლის დამთავრება თან ერთვის ქალის სასქესო ჰორმონების დონის დაქვეითებას სისხლში. ამ ჰორმონების ნაკლოვანება განაპირობებს მცირე მენჯის იოგების მოდუნებას ხოლო ეს იწვევს შარდის შეუკავებლობას, საშოს კედლების დაწევას, საშვილოსნოს გამოვარდნას. თუ შარდის შეუკავებლობა უმნიშვნელოთ არის გამოხატული საკმარისია ადგილობრივად ქალის სასქესო ჰორმონის დანიშვნაში. თუ ეს საკმარისი არ არის და შარდის შეუკავებლობა მკვეთრად არის გამოხატული (როგორც ამ ქალბატონის შემთხვევაში) კეთდება მინიმალურად ტრავმული ოპერაცია – სლინგური ოპერაცია, რომლის შემდეგ ქალი ეწერება კლინიკიდან მეორე დღესვე. ოპერაციის შედეგი აღემატება 90%.
დამატებითი ინფორმაციისათვის შეუძლია მოგვმართოს ყველა დაინტერესებულმა პირმა, მათ შორის დაზღვეულებმაც ნებისმიერ სადაზღვევო კომპანიაში.
მედიცინის მეცნიერებათა კანდიდატი, უროლოგი ალეკო ხელაია.
tqveniurologi.ge
რა არ იციან ქალებმა შარდის შეუკავებლობაზე
⏱️ 1 წთ.
👁️ 8 391
100%