სოუსი პესტო: ზეითუნის ზეთი70 გრ, ნიორი 2 კბილი, კედარის თხილი1 ს/კ, პარმეზანი 50 გრ, ბაზილიკის ფოთლები.
ცომი: საფუარი, შაქარი 3-4 ჩ/კ, რძე 250 გრ, ფქვილი 500 გრ, მცენარეული ზეთი 6 ს/კ, კვერცხი 2 ცალი, მარილი.
ცომს მზარეულები შემდეგნაირად ამზადებენ: შემთბარ რძეში ურევენ შაქარს და საფუარს, 10 -12 წუთის განმავლობაში აჩერებენ თბილ გარემოში გასაფუებლად.
იღებენ საჭირო რაოდენობის ფქვილს, აჯერებენ მას მარილით და ცომის მოსაზელი დაფის შუაგულში მთისებურად აგროვებენ. ცენტრში უკეთებენ „ჭის“ მსგავს ჩაღრმავებას და მასში თანმიმდევრულად ათავსებენ კვერცხს, ხოლო შემდეგ გამზადებულ რძიან ნარევს, ამგვარად მომზადებული ცომის მთავარი პრინციპი აღნიშნული ინგრედიენტების თანმიმდევრული შერევაა მანამ, სანამ მკვრივი, ერთიანი და რბილი ცომის მასალა გამოვა.
გამზადებულ ცომს 40 წუთის განმავლობაში თბილ გარემოში აჩერებენ ასაფუებლად.
დაჭრილ ბოსტნეულს: პომიდორს, სოკოს, ბროკოლს, ბულგარულ წიწაკას, წითელ ხახვს (ალყა-ალყა) მზარეულები დაბალ ცეცხლზე ცოტაოდენ ზეითუნის ზეთში შუშავენ.
ამზადებენ სოუს პესტოს: ბლენდერში თქვეფენ ნიორს, ბაზილიკს, თხილს და ზეითუნის ზეთს, შემდეგ მასას მოშუშულ ბოსტნეულს ასხამენ და ურევენ.
„ამოსული“ ცომის ერთი ნაწილი პიცის ფქვილმოყრილ საცხობ ჭურჭელზე გადააქვთ, ხელით გაჰყავთ, შემდეგ გასაბრტყელებელი ჯოხით არეგულირებენ და ზემოდან უსვამენ მცენარეულ ზეთს (გარდა კიდეებისა დაახლოებით 1სმ-მდე დიამეტრზე).
შემდეგ თანმიმდევრულად ალაგებენ ზედაპიზე სოუსიან ბოსტნეულს. სულ ბოლოს ზეთისხილის ნაჭრებითა და სამარხვო მაიონეზით რთავენ.
პიცას 450 C ტეპმერატურაზე აცხობენ 8-12 წუთის განმავლობაში.
[media=http://www.youtube.com/watch?v=jBsN8U_izVo]
გემრიელად მიირთვით.
წყარო: mary.ge