გაგისინჯავთ ნესვის ნაყინი? იცით, რა გემრიელია? თუ არ გაგისინჯავთ, სცადეთ, თავადვე დაამზადეთ და ამაში ადვილად დარწმუნდებით.
საჭირო პროდუქტი:
2 ჭიქა ნესვის რბილობი,
1 ჭიქა შაქარი,
2 კვერცხი,
2-3 სუფრის კოვზი შაქრის პუდრი,
2 ჩაის ჭიქა ნაღები.
როგორ მოვამზადოთ:
ნესვის რბილობი ბლენდერით დააქუცმაცეთ. კვერცხის ცილა და შაქარი კარგად გათქვიფეთ და ნელ-ნელა დაუმატეთ გულები. ცალკე ათქვიფეთ ნაღები შაქრის პუდრთან ერთად, შემდეგ შეურიეთ გათქვეფილი კვერცხი და უკვე დაქუცმაცებული ნესვი. გადაანაწილეთ ფორმებში და შედგით საყინულეში ერთი საათის განმავლობაში. შემდეგ გამოიღეთ და კვლავ გათქვიფეთ. ასე გაიმეორეთ სამჯერ. საბოლოოდ ნაყინი საყინულეში 5-6 საათის განმავლობაში დატოვეთ.
რჩევა: თუ ნაღების ფხვნილს გამოიყენებთ, დაგჭირდებათ ნახევარი ჭიქა ნაღების ფხვნილი და ერთი ჭიქა რძე. ნაღების ფხვნილით მომზადებულ მასას კარგი იქნება თუ ერთი სუფრის კოვზ დარბილებულ კარაქს შეათქვეფთ.
შაქრის რაოდენობა შეგიძლიათ გემოვნების მიხედვით შეცვალოთ.
galanews.ge
ნესვის ნაყინი - რეცეპტები - კულინარია
⏱️ 1 წთ.
👁️ 1 674
100%