ხშირად პატარები საკუთარი მოთხოვნების ზღვარს გადადიან, ეს განსაკუთრებით მაშინ ხდება როდესაც მაღაზიაში საყიდლებზე წასულს ბავშვიც თან გახლავთ. ასეთ დროს ისინი განსაკუთრებით მომთხოვნები არიან. ბავშვთა ფსიქოლოგები გვირჩევენ:
სთხოვეთ თქვენს პატარას პროდუქტების მოძებნაში დახმარება. თუ თქვენმა შვილმა მოითხოვა რამის ყიდვა შეახსენეთ , რომ თქვენ საჭირო ნივთების ნუსხა უკვე გააკეთეთ და მასში ეს ნივთი მოხსენიებული არ იყო.
ხშირად უმეორეთ ბავშვს , რომ ის დიდ და ძვირიან სათამაშოს მხოლოდ დღესასწაულებზე მიიღებს.
ყურადღება მიაქციეთ , რომ მაღაზიაში წასვლამდე ბავშვი იყოს დანაყრებული და მშვიდ და წყნარ განწყობაზე წინააღმდეგ შემთხვევაში ჭირვეულობა გარდაუვალია.
მაღაზიაში წაიყოლეთ ბავშვის საყვარელი სათამაშო, ეს მას გაართობს სხვა თვალწამტაცი ნივთებისგან.
თუ მაღაზიაში ბავშვმა მაინც აიღო რაღაც ნივთი და არ უშვებს შეგიძლიათ უთხრათ, რომ კარგად დაათვალიეროს, შემდეგ კი თოვლის ბაბუას მიწეროს წერილი, რომ ახალ წელს ასეთი სათამაშო აჩუქოს.
არ მისცეთ ბავშვს თქვენით მანიპულირების საშუალება. მათი ტირილი და ისტერიკა არ არის მათი სურვილების შესრულების მიზეზი. თუ თქვენ გადაწყვეტთ რამე უყიდოთ გააკეთეთ ეს ჩხუბის და პირობების წაყენების გარეშე, ხოლო თუ თავიდან უარი თქვით ყიდვაზე არ წახვიდეთ კომპრომისზე და არავითარ შემთხვევაში არ დათანხმდეთ მის შეძენაზე. ამით თქვენ ბავშვს აჩვენებთ , რომ თქვენთან თავის მოსაწყლებას და ტირილს აზრი არ აქვს და თქვენი „არა“ ნიშნავს არას.
თუ პატარამ მაინც დაიმართა ისტერიკა, უთხარით, რომ განაწყენებული ხართ მისი საქციელით და გინდათ სავაჭრო ობიექტის დატოვება.
ბავშვები ადვილად ეჩვევიან და უყვართ დისციპლინა. შეთანხმით სხვადასხვა საკითხებზე მაგ : მაღაზიაში შესვლისას ვყიდულობთ მხოლოდ ერთ სასუსნაოს, ან გარკვეულ თანხის ტკბილეულს ან ნივთს.
არ დაგავიწყდეთ ბავშვის შექება, თუ კი ის კარგად იქცევა მაღაზიაში.
წყარო: life.mediamall.ge
მიყიდე! მიყიდე! მიყიდე!.. - რჩევები როდესაც მაღაზიაში პატარასთან ერთად ხართ
⏱️ 1 წთ.
👁️ 3 033
100%