მამაკაცების გულისკენ მიმავალი გზები, ყოველთვის არა, მაგრამ ხშირად გადის კუჭზე. კაცებს განსკაუთრებული სითბო და ყურადღება მაშინ სჭირდებათ, როდესაც თავს ცუდად და არაკომფორტულად გრძნობენ. ეს პრობლემები, ძრითადად, ,,კარგად” გატარებული საღამოს შემდეგ იჩენს ხოლმე თავს. ნაბახუსევს! – როცა თავის ტკივილი, უხასიათობა და ზოგჯერ ნევროზული შემოტევებიც ხშირია, მათი გულის მოსაგებად რამდენიმე რეცეპტი დაგეხმარებათ.
ავოკადოში შემწვარი კვერცხი
დაგჭირდებათ: ერთი ცალი ავოკადო, ორი ცალი კვერცხი, ჩილი და სუნელები. ავოკადო შუაზე გაჭერით და გული ამოუღეთ, მიღებული ღრმულის ადგილას ჩაახალეთ კვერცხი, შედგით ღუმელში დაახლოებით 8-10 წუთით, გამოღებისთანავე მოაყარეთ თქვენთვის საყვარელი სუნელები და ცხელი მიართვით.
შემწვარი კვერცხი ლორით
დაგჭირდებათ: ძეხვის რამდენიმე მცირე ზომის ნაჭერი, 4 ცალი კვერცხი, 4-6 საშუალო ნაჭერი ბეკონი, 1 ჭიქა პატარა პომიდორი ან ,,ჩერი”, 1 ჩ.კ. მშრალი ორეგანო, მარილი, წიწაკა. ბეკონი და ძეხვი ღუმელში შედგით და 15-17 წუთის განმავლობაში კარგად შებრაწეთ, შემდეგ გამოიღეთ და 4 კვერცხი ჩაახალეთ, მოაყარეთ შუაზე გაჭრილი მცირე ზომის პომიდვრები, შეაზავეთ სუნელებით და ცოტა ხნით ისევ ღუმელში შედგით, კვერცხის ყვითელი გული არ უნდა გამოშრეს. ამისათვის 5-8 წუთი საკმარისია.
კვერცხი სოკოთი
ნაბახუსევისთვის ეს საუკეთესო ვარიანტია, თუ ამ ყველაფერს ბრიუსელის კომბოსტოსაც დაამატებთ, მაქსიმალურად გემრიელ შედეგს მიიღებთ. დაგჭირდებათ: 1 ს.კ. კარაქი, 2 კბილი დაჭრილი ნიორი, 1 თავი დაჭრილი ხახვი, 1 ჭიქა სოკო, (1 ჭიქა დაჭრილი ბრიუსელის კომბოსტო), 3 კვერცხი, 1 ს.კ. არაჟანი, ნახევარი ჩ.კ. მარილი, შავი წიწაკა, მარილი. ტაფას წაუსვით კარაქი და კარგად გაახურეთ. დაყარეთ ნიორი და ხახვი, შემდეგ დაამატეთ სოკო, კომბოსტო და მარილი, დაახლოებით 4 წუთით საშუალო ცეცხლზე დატოვეთ, შეგიძლით ოდნავ წყალიც დაამატოთ, რომ სოკო და კომბოსტო კარგად ჩაითუშოს. ბოლოს დაამატეთ კვერცხი, არაჟანი, შავი წიწაკა და სუნელები, 5 წუთით ცეცხლზე დადგით, ბოლოს თავზე მოახეხეთ ყველი, დაახურეთ და 2 წუთიც საკმარისია, რომ კერძი მზად იყოს.
კვერცხი კალათებში
უცხო და ორიგინალური საუზმე, რომელიც თქვენს პარტნიორს მდგომარეობიდან სულ რამდენიმე წუთში გამოიყვანს! დაგჭირდებათ: რამდენიმე ნაჭერი პური, 2 კვერცხი, კარაქი, მარილი, წიწაკა, მწვანილი. აიღეთ მაფინის გასაკეთებელი ფორმები, ღუმელში შეათბეთ და თითოეულს კარაქი მოუსვით, ჩააფინეთ პურის თხელი ნაჭრები და კვერცხი ჩაახალეთ, მოაყარეთ მარილი, წიწაკა და დაჭრილი მწვანილი, შედგით ღუმელში 14-18 წუთით, ოდნავ შეაგრილეთ და მაფინის ფორმიდან ამოიღეთ.
კვერცხი კარტოფილით და პომიდვრით
დაგჭირდებათ: 2 დიდი ზომის კარტოიფილი, 1 მწვანე წიწაკა, რამდენიმე ცალი პატარა პომიდორი, 1 ს.კ. ზეითუნის ზეთი, 4-8 კვერცხი, მარილი, წიწაკა, ჩილი, ორეგანო, სხავდასხვა სუნელი. კარტოფილი გარეცხეთ, დაჭერით და 5-10 წუთით წყალში ჩაალბეთ. აიღეთ საშუალო ზომის ჯამი და ჩააწყვეთ კარტოფილი, მოასხით ზეუთუნის ზეთი და მოაყარეთ სუნელები, თავმოხდილ ჯამი დაახლოებით 30 წუთით ღუმელში შედგით, შემდეგ გამოიღეთ და კვერცხი ჩაახალეთ, მოაყარეთ მარილი, წიწაკა და დაჭრილი პომიდორი. ისევ ღუმელში დააბრუნეთ, ამჯერად 15 წუთით
წყარო: life.mediamall.ge
საუკეთესო რეცეპტები! – 5 ხერხი ნაბახუსევის გულის მოსაგებად
⏱️ 1 წთ.
👁️ 3 515
100%