მეცნიერებმა აღმოაჩინეს გენი, რომლითაც კიბოს ახალი მეთოდით მკურნალობა გახდება შესაძლებელი



გენების აღმოჩენით შეიძლება კიბოსა და გულის დაავადებების ახალი მეთოდით მკურნალობა გახდეს შესაძლებელი, - ამის შესახებ The Independent იუწყება.

მკვლევარები აცხადებენ, რომ გენური ეფექტი სისხლძარღვების გამრავლებას უწყობს ხელს და გულის დაავადებებისა და კიბოს მკურნალად გვევლინება.

მეცნიერების აზრით, გენის გათიშვა სისხლძარღვების გაფართოებას შეამცირებს და შესაძლოა, მათი რაოდენობის გაზრდას შეუწყოს ხელი. ამ ეფექტის საშუალებით გულის დაავადების მკურნალობა შეიძლება.

კვლევის ხელმძღვანელი, პროფესორი სტიუარტ ქუკი აცხადებს, რომ სისხლძარღვების წარმოქმნის პროცესი, - ანგიოგენეზი სასიცოცხლო მნიშვნელობისაა, რადგან ასე სხეულის ყველა ნაწილისთვის საკვები ნივთიერებების მიწოდება ხდება.
საშუალება, რომლითაც ანგიოგენეზის კონტროლი შესაძლებელი იქნება, შეიძლება არა მხოლოდ კიბოს საწინააღმდეგო თერაპიებისთვის აღმოჩნდეს სასარგებლო, არამედ სისხლძარვების პათოლოგიური გაფართოების მკურნალობისთვისაც, - ამბობს პროფესორი ქუკი.

ჩვენი მომავალი ნაბიჯი იქნება იმ მედიკამენტების პოვნა, რომლებიც, ამ გენის გამოყენებით, გულის კუნთში სისხლის მიმოქცევას გაააქტიურებს, - აცხადებს კვლევის ერთ-ერთი მონაწილე, დოქტორი რიზვან ახმედი.

კვლევა საერთაშორისო მხარდაჭერით ჩატარდა, მფარველებს შორის იყვნენ: ბრიტანეთის სამედიცინო კვლევითი საბჭო, ტანოტოს ფონდი სინგაპურში, ჩეხეთის ხელისუფლება და ევროკავშირი.

ამ საგულდაგულო გენეტიკურმა კვლევამ ახალი გენი იპოვა, რაც გულის სისხლძარღვების ზრდას აკონტროლებს და ახალი თერაპიებისთვის პოტენციალს ქმნის, - განაცხადა ბრიტანეთის გულის ფონდის სამედიცინო დირექტორმა, ჯერემი პიარსონმა.

sazigadieba,ge
































ტექსტის სანახავად გაიარეთ რეგისტრაცია.