ლიმონისა და ზეითუნის ზეთის ნიღაბი
ლიმონის წვენისა და ზეითუნის ზეთის ნიღაბი არამარტო გაათეთრებს და გაამაგრებს ფრჩხილებს, არამედ ხელის კანსაც დაატენიანებს და დაარბილებს. ნიღბის მოსამზადებლად დაგჭირდებათ თითო ჩაის კოვზი ზეითუნის ზეთი და ლიმონის წვენის ნარევი. მასში დაასველეთ ბამბა დ ერთი კვირის განმავლობაში კვირაში ერთხელ ხელისა და ფეხის ფრჩხილები გაიწმინდეთ. სასურველი შედეგის მისაღწევად შეგიძლიათ ფრჩხილებისთვის ერთი კვირის განმავლობაში ყოველდღე 15 წუთიით ლიმონისა და ზეითუნის ზეთის აბაზანებიც მიიღოთ.
მარილის აბაზანები
ზღვის მარილი კარგად ამაგრებს და ათეთრებს ფრჩხილებს ამიტომ ფრჩხილებისთვის 10-წუთიან აბაზანებს გირჩევთ. 200 მლ თბილ წყალში ჩაყარეთ 3 სუფრის კოვზი ზღვის მარილი და ჩაასხით ერთი ჩაის კოვზი ლიმონის წვენი. პროცედურები შეგიძლიათ ყოველდღე ჩაიტაროთ. თუმცა შემდეგ ხელებზე აუცილებლად წაისვით კრემი, რადგან მარილი კანს აშრობს.
ფრჩხილები გაითეთრეთ სოდით
ფრჩხილების გათეთრების კიდევ ერთი საუკეთესო საშუალებაა სოდისა და წყალბადის ზეჟანგის ნარევი. 2 სუფრის კოვზ სოდას დაასხით ერთი სუფრის კოვზი წყალბადის ზეჟანგი. მივიღებთ სქელ მასას, რომელიც 2-4 წუთით უნდა გაიჩეროთ ფრჩხილებზე, შემდეგ კი თბილი წყლით ჩამოიბანეთ. ეს პროცედურა სასურველია კვირაში რამდენჯერმე გაიკეთოთ.
წყარო: mtavari.info