მანანა აბაშიძე
ქიმიური დახვევის ან შეღებვის შემდეგ, თმა ბზინვარებას და ჯანსაღ იერს კარგავს. იმისათვის, რომ თმა გამოვაცოცხლოთ და მოვლილი იერი შევძინოთ, სალონში წასვლა საჭირო არ არის. ამისათვის, ხალხური საშუალებებიც საკმარისია - უბრალოდ, ცოტა უნდა გავისარჯოთ.
მაშ ასე: თქვენმა თმამ ბზინვარება დაკარგა და თივას დაემსგავსა? სასოწარკვეთა საჭირო არ არის. მხოლოდ, რეგულარულად უნდა იკეთოთ თმის ნიღბები და მალე, ისევ შეძლებთ იამაყოთ თქვენი თმით.
გამომშრალი და ბზინვარება-დაკარგული თმის ნიღაბი ასე კეთდება: 3-3 სადილის კოვზი ზეითუნისა და აბუსალათინის ზეთები ერთმანეთში აურიეთ და ორთქლის აბაზანაზე შეათბეთ (არ გააცხელოთ).
შემთბარ ზეთების ნარევს დაუმატეთ 1 ჩაის კოვზი ახლად გამოწურული ლიმონის წვენი და კარგად აურიეთ. მიღებული სითხე წაისვით ჯერ თმის ძირებზე, რაც დაგრჩებათ - მთელ სიგრძეზე გაანაწილეთ.
ხელით კარგად შეიზილეთ. ამის შემდეგ, თავზე თბილად მოიხვიეთ. თუმცა ზაფხულში, როდესაც ისედაც თბილა, თმის დათბუნვა საჭირო არ არის. ნიღაბი გაიჩერეთ მინიმუმ 2-3 საათი. ჩამოიბანეთ არცთუ ძალიან ცხელი წყლით. შედეგს თავადვე ნახავთ უკვე მეორე-მესამე პროცედურის შემდეგ.
წყარო: presa.ge
თქვენი თმა თივას დაემსგავსა? - აი, როგორ უნდა დაუბრუნოთ ბზინვარება
⏱️ 1 წთ.
👁️ 10 012
100%